Íslandsmeistaratitillinn er undir í kvöld
Var einhver búinn að gleyma leiknum í kvöld? Nei, líklega ekki. Það er sól og nánast logn á Króknum enda vilja allir taka þátt í þessari veislu. Að sjálfsögðu er löngu uppselt á leikinn en þeir miðar sem í boði voru fóru í sölu kl. 19 í gærkvöldi í íþróttahúsinu og var farið að móta fyrir röð fjórum tímum fyrir opnun. Planið verður opnað þremur tímum fyrir leik eða kl. 17:00 og þar ætti engum að leiðast.
Á planinu sunnan íþróttahússins verður hægt að nálgast drykki, hamborgara, Tindastólsvarning, gott veður og sturlaða skemmtidagskrá!
17:30 - Sæþór Már ásamt hljómsveit
18:00 - Ágúst Brynjarsson
18:15 - Úlfur Úlfur
18:30 - Auðunn Blöndal og Sverrir Bergmann
Síkið verður svo opnað kl. 19 og leikurinn hefst kl. 20:00.
Stuðningsmönnum Tindastóls sem ekki verða í Síkinu er bent á að fjölmenna á Kaffi Krók á Sauðárkróki og Ölver í Reykjavík þar sem leikurinn verður sýndur í beinni útsendingu.
„Hvort sem þið eruð á leiknum, heima í stofu, erlendis, á Kaffi Krók, Ölver - hvar sem þið eruð, deilið stundinni með okkur með því að merkja okkur í færslum á samfèlagsmiðlum. Við erum Tindastóll! Hvetjum liðið okkar áfram og styðjum strákana til sigurs með einstakri Síkisstemningu! Síki má ég heyra!!!“ segir í hvatningu á síðu Tindastóls.
Megi svo betra liðið vinna og munum að mæta í góða skapinu og haga okkur fallega.
Fleiri fréttir
-
Stjarnan Íslandsmeistari í Síkinu – til hamingju Garðbæingar
feykir.is Skagafjörður, Íþróttir, Lokað efni 21.05.2025 kl. 22.12Það var háspenna lífshætta í Síkinu í kvöld þegar Tindastóll og Stjarnan mættust í oddaleik í úrslitaeinvígi Bónus deildarinnar. Íslandsmeistaratitlinn var í húfi. Stólarnir voru sprækari framan af leik en botninn datt úr leik liðsins í fjórða leikhluta þar sem liðið gerði aðeins átta stig. Það reyndist of lítið til að halda aftur af Garðbæingum sem náðu yfirhöndinni á lokamínútum leiksins. Stólarnir lögðu allt í sölurnar og voru nálægt því að jafna en spennustigið var of hátt og okkar menn urðu að sætta sig við sárt tap. Lokatölur 77-82.Meira -
Búvörulögin samkvæmt lögum að mati Hæstaréttar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.05.2025 kl. 18.13Mbl.is segir frá því að Hæstiréttur sýknaði í dag íslenska ríkið af kröfum Innnes og sneri þannig dómi Héraðsdóms Reykjavíkur við í máli sem kennt hefur verið við búvörulögin. Samkvæmt samþykktu frumvarpi til búvörulaga í mars 2024 voru kjötafurðastöðvar undanþegnar samkeppnislögum. Var lögunum breytt þar sem meirihluti þingmanna taldi einsýnt að nauðsynlegt væri að afurðastöðvum yrði gert kleift að ráðast í hagræðingu.Meira -
Varað við bikblæðingum á þjóðvegi 1
feykir.is Skagafjörður, Austur-Húnavatnssýsla, Vestur-Húnavatnssýsla 21.05.2025 kl. 17.17Sólin skín og það er hlýtt og notalegt á landinu. Flestir gleðjast yfir þessu og hafa verið glaðir í talsverðan tíma en það er ekki víst að ökumenn sú kátir. Lögreglan á Norðurlandi vestra vekur athygli á umtalsverðum bikblæðingum víðsvegar um umdæmið, sér í lagi í nágrenni Víðigerðis og Hvammstanga.Meira -
Áfram Tindastóll !!
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.05.2025 kl. 11.36„Krókurinn er fárveikur þegar kemur að körfubolta og við viljum ekki hafa það neitt öðruvísi,“ sagði Benedikt Guðmundsson þjálfari Tindastóls eftir síðasta heimaleik í viðtali við karfan.is. Heimaleikjarétturinn gefur okkur oddaleikinn í Síkinu í kvöld og nú er það stóra spurningin hvort verður það Tindastóll eða Stjarnan sem verður Íslandsmeistari í meistaraflokki karla í körfubolta þetta árið.Meira
