Jól í skókassa
Verkefnið Jól í skókassa er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og verða sendar til Úkraínu líkt og undanfarin ár.
Ladies Circle í Skagafirði tekur á móti pökkum fyrir góðgerðaverkefnið Jól í skókassa og í ár líkt og undanfarin ár verður tekið á móti kössum í Safnaðarheimilinu á Sauðárkróki mánudaginn 3. nóvember nk. milli klukkan 18:00 og 20:00. Kassarnir eiga að vera tilbúnir til afhendingar þegar þeir koma.
Til þess að tryggja að börnin fái svipaða jólagjöf er mælst til þess að ákveðnir hlutir séu í hverjum kassa. Stundum vill það vefjast fyrir fólki hvað skal setja í kassana, hérna er ágætur listi yfir hvað má fara og ekki má fara.
Í kassann skal setja a.m.k. einn hlut úr hverjum eftirtalinna flokka:
-Leikföng, t.d. litla bíla, bolta, dúkku, bangsa, eða jó-jó. Athugið að láta auka rafhlöður fylgja rafknúnum leikföngum.
-Skóladót, t.d. penna, blýanta, yddara, strokleður, skrifbækur, liti, litabækur eða vasareikni.
-Hreinlætisvörur, óskað er eftir því að allir láti tannbusta, tannkrem og sápustykki í kassann sinn. Einnig má setja greiðu, þvottapoka eða hárskraut.
-Sælgæti, t.d. sleikjó, brjóstsykur, pez, tyggjó eða karamellur.
-Föt, t.d. húfu, vettlinga, sokka, trefil, bol eða peysu.
Síðan er það listinn yfir það sem ekki má fara:
-Mikið notaðir eða illa farnir hlutir.
-Matvara.
-Stríðsdót, t.d. leikfangabyssur, leikfangahermenn eða hnífar.
-Vökvar, t.d. sjampó, krem eða sápukúlur.
-Lyf.
-Borthættir hlutir, t.d. speglar eða postulínsdúkkur.
-Spilastokkar, þar sem spilastokkar eru dengdir fjárhættuspilum í Úkraínu, er óskað eftir því að þeir séu ekki gefnir í skókassana.
Síðan er það frágangur á kassanum. Finnið tóman skókassa og pakkið honum inn í jólapappír. Athugið að pakka lokinu sérstaklega inn þannig að hægt sé að opna kassann. Hægt er að nálgast skókassa í skóbúðum og mælt er með að fólk tryggi sér kassa í tæka tíð.
Ákveða þarf hvort gjöfin sé fyrir stelpu eða strák og hvaða aldri gjöfin er ætluð: (3-6), (7-10), (11-14) eða (15-18).
Setjið 500-1.000 krónur efst í kassann. Peningurinn er fyrir kostnaði sem fylgir verkefninu. Loka skal kassanum með því að setja teygju utan um hann.
Verkefnið er tilvalið til að hefja jólavertíðina á góðverki.
Fleiri fréttir
-
Hryllilega gaman í Glaumbæ!
feykir.is Skagafjörður, Mannlíf 27.10.2025 kl. 15.29Það verður sannarlega hryllilega gaman í Glaumbæ föstudaginn 31. október frá kl. 18-21, í tilefni af Hrekkjavöku, eða öllu heldur Allraheilagramessu. Sýningarnar í gamla bænum taka á sig skuggalega mynd og Miklabæjar-Sólveig og fleiri fara á stjá.Meira -
Umhverfisviðurkenningar Húnaþings vestra veittar
feykir.is Vestur-Húnavatnssýsla 27.10.2025 kl. 11.07Umhverfisviðurkenningar Húnaþings vestra voru veittar við hátíðlega athöfn á Sjávarborg, þriðjudaginn 21. október sl. Þar voru saman komin viðurkenninarhafar, nefnd um umhverfisviðurkenningar, sveitarstjóri, umhverfisfulltrúi og fulltrúar sveitarstjórnar þetta kemur fram á vef Húnaþings vestra.Meira -
Í syngjandi jólasveiflu í Hörpu | Feykir spjallar við Huldu Jónasar
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 26.10.2025 kl. 11.36„Það sem er næst á dagskrá hjá okkur núna eru jólatónleikar í Hörpu. Þeir hafa hlotið nafnið Í syngjandi jólasveiflu og þar ætlum við að flytja jólalögin hans Geira okkar í bland við hans þekktustu lög. Jólalögin hans eru mjög falleg og hafa allt of lítið fengið að hljóma,“ segir tónleikahaldarinn og Króksarinn Hulda Jónasar, dóttir Erlu Gígju og Ninna heitins, þegar Feykir spyr hvað standi nú til.Meira -
Stökk í uppáhaldi
feykir.is Skagafjörður, Íþróttir, Lokað efni 26.10.2025 kl. 09.00Það er Sigríður Elva Elvarsdóttir frá Syðra-Skörðugili í Skagafirði sem er íþróttagarpur Feykis að þessu sinni. Þrátt fyrir ungan aldur hefur Sigríður Elva tekið þátt og verið í úrslitum á stórmótum í hestaíþróttum. Sigríður Elva er dóttir hjónanna Elvars Einarssonar og Fjólu Viktorsdóttur og er yngst í þriggja systra hópi en eldri systur hennar eru þær Ásdís Ósk og Viktoría Eik sem allar eiga það sameiginlegt að vera fæddar með „hestabakteríuna.“Meira
