Jólastemning á Sauðárkróki í dag
Það verður sannkölluð jólastemning á Sauðárkróki í dag en þá verða ljósin tendruð á jólatrénu á Kirkjutorgi þar sem verður hátíðadagskrá en auk þess verða margar verslanir opnar og fjölmargt annað um að vera.
Á þessu ári eru 70 ár liðin frá því að Sauðárkrókur fékk kaupstaðarréttindi og í tilefni þess býður Sveitarfélagið Skagafjörður upp á afmælisköku og kaffi í húsnæði Náttúrustofu frá kl. 14:00-15:30.
Jólaljósin tendruð á Kirkjutorgi kl. 15:30. Jólatréð er ræktað í heimabyggð og kemur úr skógi Skógræktarinnar í Reykjarhóli en þar hófst gróðursetning árið 1947 eða sama ár og Sauðárkrókur fékk kaupstaðarréttindi.
Á Kirkjutorginu mun Stefán Vagn Stefánsson, formaður byggðarráðs flytja hátíðarávarp, barnakór Varmahlíðarskóla syngja jólalög og Lydía Einarsdóttir syngja lagið Rúdolf með rauða nefið við undirleik Stefáns Gíslasonar. Þá syngur hinn landsþekkti tónlistarmaður, Pálmi Gunnarsson, nokkur lög við undirleik Stefáns Gíslasonar og hljómsveitar og loks tendra tveir nemendur Varmahlíðarskóla ljósin á trénu.
Ekki er svo loku fyrir það skotið að einhverjir jólasveinar leggi leið sína í bæinn.
Sveitarfélagið Skagafjörður tekur árlega saman yfirlit yfir helstu viðburði á aðventu og um jól og áramót. Dagskráin er birt vikulega í Sjónhorninu sem dreift er á öll heimili á Norðurlandi vestra.
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.