Kaffi Krókur fær skjöld frá Markaðsráði kindakjöts
Veitingastaðurinn Kaffi Krókur á Sauðárkróki fékk afhentan skjöld frá Markaðsráði kindakjöts sem viðurkenningu fyrir að gera lambakjöt áberandi á sínum matseðli. Á skildinum er táknmynd sauðkindarinnar með áletruninni Icelandic lamb roaming free since 874 og er ætlað að vekja athygli á hinum fjölbreyttu afurðum hennar. Þeir sem skjöldinn fá geta notað merkið til að vekja athygli á sínum afurðum og í tilfelli KK restaurants verður það gert sýnilegt á matseðlum og samfélagsmiðlum staðarins.
„Við ætlum að hafa lambakjötið í öndvegi á matseðli okkar, en það höfum við reyndar verið að gera. Ætlum að gera meira af því, segir Stefán Svansson yfirmatreiðslumaður á KK Restaurant. Hann segir skjöldinn tilkominn þannig að viðræður áttu sér stað við Hafliða Halldórsson hjá Markaðsráði kindakjöts sem vildi endilega að veitingastaðurinn færi í þetta verkefni. „Íslenska lambið er hráefni á heimsmælikvarða, það er ekkert flóknara en það og að geta fengið það hér á staðnum í 500 metra fjarlægð er mikill kostur. Við höfum verið að þróa okkur áfram með matseðilinn og ætlum að vera með tvo lambakjötsrétti á matseðli, keyra á rétti dagsins og nota það svo mikið í hlaðborðið líka,“ segir Stefán en nýr matseðill er væntanlegur í lok mánaðarins.
Það var Ástþór Örn Árnason, nýkjörinn formaður Félags sauðfjárbænda í Skagafirði, sem afhenti Stefáni skjöldinn góða en hann segir að staðirnir séu komnir yfir 100 sem hafa gert sambærilegan samning við Markaðsráðið. Hann segir sýnilegan árangur vera af því hjá fyrirtækjum þegar farið er í þetta verkefni.
„Það er aukning á sölu á lambakjöti á stöðunum þannig að þetta er mjög skemmtilegt,“ segir Ástþór sem ætlar að fleiri staðir í Skagafirði hafi áhuga á að gera slíka samninga. „Það hefur verið gerð könnun meðal ferðamanna hvort þeir þekki merkið og útkoman var ótrúleg góð,“ segir hann.
Fleiri fréttir
-
List- og verksýning nemenda Varmahlíðarskóla
feykir.is Lokað efni 30.04.2025 kl. 10.00Fjöldi nemenda, kennara og gesta var mættur á list- og verksýning Varmahlíðarskóla þegar hún opnaði í gær þriðjudaginn 29. apríl í Menningarhúsinu Miðgarði. Stendur sýningin yfir í Sæluviku eða nánar tiltekið til 4. maí.Meira -
Töfrakvöld í Síkinu
feykir.is Skagafjörður, Íþróttir, Lokað efni 30.04.2025 kl. 09.47Það var leikur. Já, stundum gerast einhverjir galdrar á íþróttaleikjum þar sem dramatíkin og óvænt atvik hreinlega sprengja allt í loft upp. Leikur Tindastóls og Álftaness í Síkinu í gær var einmitt þannig. Eiginlega bara tóm della. Hvernig fóru gestirnir að því að jafna leikinn á lokakafla venjulegs leiktíma? Hvesu löng var lokamínúta venjulegs leiktíma? Hvernig náðu Stólarnir að rífa sig upp úr vonbrigðunum í framlengingunni? Hvernig setti Arnar þetta skot niður? Hvernig stóð á því að ájorfendur voru ekki sprungnir í loft upp? Já, Stólarnir mörðu eins stigs sigur eftir framlengingu, 105-104.Meira -
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.