Kanna hagkvæmni þess að eiga sorpmóttökustöð
Byggðarráð Svf. Skagafjarðar hefur falið sveitarstjóra að ganga til viðræðna við forsvarsmenn Flokku ehf. á Sauðárkróki um möguleg kaup sveitarfélagsins á móttökustöð fyrirtækisins að Borgarteig 12. Er það liður í hagkvæmnikönnun vegna fyrirhugaðs útboðs sorphreinsunar í Skagafirði.
Gunnar Svavarsson og Páll Höskuldsson frá Eflu verkfræðistofu, ásamt fulltrúum úr umhverfis- og samgöngunefnd, sátu fund byggðaráðs í júní sl. þar sem farið var yfir ýmis gögn og álitamál er varða fyrirhugað útboð sorphirðu í Skagafirði. Þar var samþykkt að vinna málið áfram út frá þeim línum sem lagðar voru á fundinum. Í síðustu viku var svo sveitarstjóra falið að ganga til viðræðna við forsvarsmenn Flokku ehf. um möguleg kaup á móttökustöð fyrirtækisins að Borgarteig 12.
Flokka er dótturfyrirtæki Ó.K. gámaþjónustu sem er í eigu hjónanna Ómars Kjartanssonar og Brynhildur Sigtryggsdóttur og var stofnuð 1. júní 2006. Á heimasíðu fyrirtækisins segir að ári síðar hafi bygging móttökustöðvarinnar að Borgarteig 12 hafist en starfsemin hófst 1. mars 2008. Í kjölfarið var gamla gámasvæðinu lokað en Flokka tekur á móti öllum úrgangi og kemur honum í lóg.
Til þess að tryggja að móttaka og flokkun sorps verði áfram staðsett í Skagafirði er þessi leið í skoðun en enginn veit hver mun sjá um þau mál fyrr en eftir útboð.
Gísli Sigurðsson, formaður byggðaráðs, segir að verið sé að skoða alla möguleika í útboðsferlinu og einn þeirra hvort hagkvæmt sé fyrir sveitarfélagið að eiga móttökustöð á Sauðárkróki. „Verið er að skoða ýmsar útfærslur til að gera sorphreinsun sem hagkvæmasta og besta í sveitarfélaginu. Engin ákvörðun hefur verið tekin í þessu máli, einungis verið að skoða alla möguleika,“ segir Gísli.
Fleiri fréttir
-
Fótboltastelpur voru aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira -
Tveir bikarleikir á Sauðárkróksvelli í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira -
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira
