Karfan að byrja aftur eftir jól

feykir.is Skagafjörður, Íþróttir 08.01.2010 kl. 13.20

Kenney Boyd spilar sinn fyrsta leik með Tindastól á morgun.

Þá er körfuknattleikstímabilið að hefjast aftur eftir jólafrí. Á morgun, laugardaginn 9. janúar, verða tveir heimaleikir í yngri flokkunum. Klukkan tvö mætir 9. flokkur karla liði KR í bikarkeppninni og síðan kl. 4 er leikur Tindastóls og Grindavíkur í unglingaflokki.

Á sunnudaginn verður svo meistaraflokkurinn í Grindavík og leikur þar við heimamenn. Kenney Boyd leikur þar sinn fyrsta leik og verður fróðlegt að sjá hvernig hann fellur inn í liðið.

Síðan eru tveir heimaleikir í röð. Fyrst gegn Njarðvík fimmtudaginn 14. janúar og síðan koma Grindvíkingar í heimsókn í Subway bikarnum sunnudaginn 17. janúar. Báðir leikir hefjast kl. 19:15.

Til baka

Fleiri fréttir

  • Afurðaverð endurspeglar ekki væntingar bænda

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 13.08.2025 kl. 15.42 oli@feykir.is
    Í frétt á Húnahorninu er sagt frá því að bændur hafi orðið fyrir vonbrigðum með afurðaverð sem kynnt hafa verið fyrir komandi sauðfjársláturtíð. „Í verðskrám Kjarnafæðis Norðlenska, Kaupfélags Skagfirðinga og Sláturhúss KVH á Hvammstanga er vegin hækkun frá síðasta árið 1,6%, samkvæmt útreikningi Bændasamtaka Íslands. Í grein á vef Bændablaðsins segir Eyjólfur Ingvi Bjarnason, formaður stjórnar sauðfjárbænda hjá Bændasamtökunum að verðin endurspegli ekki þær væntingar sem uppi hafi verið um áframhaldandi bætta afkomu og rekstraröryggi til framtíðar,“ segir í fréttinni.
    Meira
  • Borgarinn hjá Silla kokki slær allt út. MYND AF FB

    Silla borgarar til styrktar Stólastúlkum – koma svo!

    feykir.is Skagafjörður 13.08.2025 kl. 12.02 oli@feykir.is
    Feykir var búinn að nefna það í byrjun vikunnar að hinn margverðlaunaði Silli kokkur mætir á Krókinn í dag og selur hamborgara til styrktar kvennaliði Tindastóls í Bestu deildinni. Það kostar nokkra aura að halda úti liði í efstu deild og sannarlega stórmagnað framtak hjá Silla að standa þétt við bakið á liðinu okkar.
    Meira

  • Frumkvöðlar á landsbyggðinni fá sviðsljósið: Startup Landið fer af stað

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 13.08.2025 kl. 09.37 oli@feykir.is
    Hugmynd sem fæddist við eldhúsborðið gæti orðið næsta stóra fyrirtæki. En hvernig fer maður af stað? Það er spurning sem margir sem ganga með hugmynd í maganum hafa líklega spurt sig – og svarið gæti nú leynst í nýju verkefni sem fer af stað í haust: Startup Landið, viðskiptahraðall sérstaklega ætlaður frumkvöðlum utan höfuðborgarsvæðisins.
    Meira

  • Byggðarráð vill að ráðherra taki togveiðar á Skagafirði til skoðunar

    feykir.is Skagafjörður, Lokað efni 13.08.2025 kl. 09.19 oli@feykir.is
    Byggðarráð Skagafjarðar samþykkti samhljóða á fundi sínum þann 23. júlí sl. að hvetja atvinnuvegaráðherra til að taka togveiðar á Skagafirði til skoðunar og opna fyrir faglega og gagnsæja umræðu um framtíðarskipulag veiða með dragnót við Íslandsstrendur, með áherslu á verndun vistkerfa og sjálfbæra nýtingu.
    Meira
  • Hóladómkirkja. Mynd: Þorfinnur Sigurgeirsson

    Hólahátíð verður helgina 16.-17. ágúst 2025

    feykir.is Skagafjörður, Mannlíf 13.08.2025 kl. 08.55 bladamadur@feykir.is
    Hin árlega Hólahátíð verður um næstu helgi en nú er bryddað upp á þeirri nýbreytni að hátíðin hefst á laugardeginum með Hólahátíð barnanna. Þar verður dagskrá fyrir börn og fjölskyldur frá kl. 14.00. Skátafélagið Eilífsbúar sér um dagskrána og verður farið í ýmsa leiki og þrautir úti, auk skógargöngu.
    Meira
Yfirlit frétta