Karl Lúðvíks sæmdur Gullmerki UMFÍ
Það var ekki nóg með að Gunnar Þór Gestsson væri sæmdur Gullmerki ÍSÍ á ársþingi UMSS um liðna helgi því auk hans var íþróttakempan og kennarinn Karl Lúðvíksson sæmdur Gullmerki UMFÍ. Í frétt á vef Ungmennafélags Íslands segir að Karl sé þekktur fyrir störf sín og er fastagestur á Landsmóti UMFÍ 50+ sem haldið er ár hvert.
„Karl, sem er kominn á áttræðisaldur, er kallaður íþróttaálfur Skagafjarðar og er hann enn að. Hann er meðal annars með tíma í Íþróttahúsinu í Varmahlíð, keppir á meistaramóti öldunga í frjálsum íþróttum og kennir skyndihjálp við [Farskólann] og hjá Rauða krossinum,“ segir í frétt á vef UMFÍ.
Fram kemur að á þinginu hafi sömuleiðis verið veitt starfsmerki UMFÍ. „Þau hlutu í ár Stefán Guðmundsson, sem hefur staðið í ströngu á mótum í blaki, frjálsum íþróttum og körfuknattleik; Una Aldís Sigurðardóttir, sem hefur líka haldið utan um mót í körfuknattleik og sá um blak á Landsmótinu á Sauðárkróki árið 2018 og Unglingalandsmótum UMFÍ sem haldin voru á Króknum árin 2014 og 2023; Þorvaldur Gröndal, sem hefur verið gjaldkeri UMSS frá árinu 2016 og setið í mótanefndum á vegum UMFÍ vegna móta á Sauðárkróki.“
Karl hlaut nýlega Samfélagsviðurkenningu Molduxa
Að sögn Thelmu Knútsdóttur, framkvæmdastjóra UMSS, var ekki margt sem lá fyrir á þinginu annað en að breyta lítillega orðalagi um lottógreiðslur og kjósa um inngöngu Pílukastfélags Skagafjarðar í UMSS. „Pílukast hefur verið vaxandi grein í Skagafirði, iðkendur kepptu töluvert í fyrra og látið að sér kveða undir merkjum Pílukastfélags Skagafjarðar, sem var stofnað í fyrra,“ segir í fréttinni.
Það má geta þess að Karl Lúðvíks er að verða þaulvanur í að taka á móti viðurkenningum því á síðasta Jólamóti Molduxa hlaut kappinn Samfélagsviðurkenningu Molduxa en eins og allir vita eru Molduxar langt á undan sinni samtíð. Í byrjun árs birtist ítarlegt viðtal við Karl í Feyki þar sem hann sagði Palla Friðriks sögu sína.
- - - - - -
Fréttin var uppfærð 1. maí kl. 22:00
Fleiri fréttir
-
Fjögur víti dæmd í fjörugum jafnteflisleik í Hveragerði
feykir.is Skagafjörður, Íþróttir 20.05.2024 kl. 21.34Tindastólsmenn heimsóttu lið Hamars í Hveragerði í dag í 4. deildinni í fótboltanum. Stólarnir unnu fyrsta leikinn í deildinni á dögunum en lið Hamars hafði spilað tvo leiki og unnið báða. Liðin buðu upp á markaleik í dag en skiptu stigunum jafnt á milli sín eftir að dómarinn gaf báðum liðum tvær vítaspyrnur í leiknum – fjórar alls! – þar sem mögulega hefði ekki átt að dæma eina einustu. Lokatölur 3-3.Meira -
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira -
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.