Karlakórinn Heimir leggur land undir fót
Karlakórinn Heimir ætlar halda tónleikaröð sem heitir „Svífðu með“ vítt og breitt um landið, þ.e. á Akureyri, Akranesi, Reykjavík, Eskifirði og Egilsstöðum. Tónleikarnir „Svífðu með“ voru haldnir í fyrsta sinn á þrettándaskemmtun í Miðgarði í janúar sl. við mjög góðar undirtektir.
Tónleikaröðin hefst í Hofi á Akureyri nk. sunnudag kl. 16 og verða þeir tónleikar með sama sniði og á Þrettándaskemmtun Karlakórsins í Miðgarði, með þeirri breytingu þó að Óskar Pétursson verður fjarri góðu gamni. Á heimasíðu kórsins segir að það skarð hafi þó verið vel fyllt því stóri bróðir Óskars, Pétur Pétursson frá Álftagerði, verður með þeim ásamt heimamanninum Hjalta Jónssyni. Guðrún Gunnarsdóttir og Ari Jóhann Sigurðsson verða á sínum stað.
Miðasala á tónleikana í Hofi er á www.midi.is og í Menningarhúsinu Hofi.
Karlakórinn fer svo suður yfir heiðar 1. mars og byrja á því að halda tónleika í Tónberg á Akranesi. Þann 2. mars verða haldnir tveir tónleikar í Langholtskirkju, þeir fyrri kl. 14 og seinni kl. 17. Að sögn Jóns Sveinssonar í stjórn karlakórsins syngja Guðrún Gunnarsdóttir, Óskar Pétursson og Ari Jóhann Sigurðsson einsöng með kórnum fyrir sunnan.
„Svífðu með“ heldur svo yfir á austurlandið þann 13. apríl og þá heldur kórinn tónleika á Eskifirði kl. 14 og Egilsstöðum kl. 20:30, en án Óskars í þetta sinn.
Hér má sjá stiklu frá Þrettándaskemmtun kórsins í Miðgarði:
http://www.youtube.com/watch?v=t73_8ASVMhI
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
