Klífur fjöll til góðra verka
Hildur Valsdóttir hefur alltaf elskað að ferðast og fékk þá stórgóðu hugmynd að nota ferðalögin til að láta gott af sér leiða. Í september á síðastliðnu ári kleif hún Kilimanjaro, hæsta fjall Afríku, og styrkti um leið fátækar stúlkur í Tanzaníu til skólagöngu. Í ár ætlar Hildur að toppa fyrra afrek og klífa hæsta fjall Suður-Ameríku, Aconcagua í Andesfjöllunum, sem er þúsund metrum hærra en Kilimanjaro.
Í Feyki sem kom út í dag er frásögn Hildar af ferð hennar upp Kilimanjaro, þar sem hún gekk í gegnum bæði súrt og sætt, framtíðaráform hennar og hvernig góðgerðamál hafa gefið lífi hennar gildi.
Ferðina upp fjallið segir Hildur hafa verið æðisleg lífsreynsla, umhverfið var fallegt og maturinn góður. Kilimanjaro er 5.895 metrar á hæð og tók gangan tók fimm daga.
„Gangan var ekkert sérstaklega erfið í byrjun en síðustu metrarnir upp á topp reyndust erfiðir. Við byrjuðum að ganga um miðnætti, en mér hafði ekki tekist að sofna almennilega fyrir það, svaf kannski í klukkutíma og hafði vaknað kl. 7 um morguninn. Við gengum svo í sex tíma í kolniðamyrkri, án pásu og í miklum bratta og um 20 gráðu frosti, þangað til við komum að Stella Point sem er í um 5600 metra hæð,“ rifjar Hildur upp en Stella Point er í um klukkustundar fjarlægð frá Uhuru Peak, sem er toppur fjallsins.
„Þessa sex tíma var svo dimmt að ég sá aldrei „markið“, ég sá bara í hælana á vinkonu minni sem var með mér í för. Þetta var svolítið eins og að ganga á sama staðnum í sex klukkustundir - það var erfitt fyrir hugann,“ viðurkennir Hildur. Þá átti hún einnig erfitt með andardrátt og vatnið hennar fraus, svo hún var vatnslaus í nokkrar klukkustundir.
„Þegar við komum upp á Stella Point vildu leiðsögumennirnir taka af mér bakpokann og helst snúa við. En ég var búin að ákveða að ég ætlaði að ná toppnum og ég ætlaði að bera bakpokann minn þangað sjálf. Þannig að eftir nokkra mínútna tilfinningaþrungna pásu á Stella Point beit ég í vörina og hljóp næstum síðasta spölinn,“ segir Hildur. Hún segist þekkt fyrir að vera heldur þrjósk og að það gerist sjaldan að hún láti í minni pokann.
Viðtalið í heild sinni má lesa í Feyki í dag.
Að neðan má sjá myndband frá göngu Hildar.
https://www.youtube.com/watch?v=N02Jo5FoxQw
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
