Stefán Vagn nýr þingflokksformaður Framsóknar
Stefán Vagn Stefánsson er nýr þingflokksformaður Framsóknar. Tillaga þess efnis var samþykkt á þingflokksfundi flokksins í Smiðju í dag, 11. mars 2026. Stefán Vagn er oddviti Framsóknar í Norðvesturkjördæmi og hefur gegnt embætti varaþingflokksformans á kjörtímabilinu. Stefán hefur setið á Alþingi frá árinu 2021.
Hann hefur verið formaður fjárlaganefndar og atvinnuveganefndar á Alþingi ásamt því að hafa víðtæka reynslu úr stjórnum og nefndum. Hann var varaþingmaður frá 2017 og oddviti Framsóknar í Skagafirði frá 2010 til 2022. Hann var kjörinn varaformaður Framsóknar á flokksþingi 15. febrúar sl.
Á þingflokksfundinum var einnig samþykkt að Þórarinn Ingi Pétursson, alþingismaður fyrir Norðausturkjördæmi, yrði varaþingflokksformaður.
„Ég þakka traustið sem þingflokkur Framsóknar sýnir mér. Framundan eru krefjandi tímar í þinginu þar sem mörg stór mál bíða afgreiðslu og má þar einna helst nefna aðildarumsókn íslands að Evrópusambandinu, samgönguáætlun og fjármálaáætlun.
Á sama tíma og þingflokkurinn mun leggja sig allan fram við að styðja við sveitarstjórnarfulltrúa og framboð Framsóknar í komandi sveitarstjórnarkosningum. Ég vil einnig þakka Ingibjörgu Isaksen fyrir sína vinnu síðustu ár í embætti þingflokksformanns Framsóknar,” segir Stefán Vagn.
/Fréttatilkynning
Fleiri fréttir
-
Það er Leikur!
feykir.is Skagafjörður, Íþróttir 11.03.2026 kl. 14.42Evrópuævintýri Tindastóls heldur áfram og úrslitakeppni ENBL deildairnnar er hafin. Miðvikudaginn 11. mars – sem er einmitt í kvöld – leikur Tindastóll í 16 liða úrslitum ENBL deildarinnar gegn liði Riga Zelli, frá Lettlandi. Á þessu stigi keppninnar er um hreinan útsláttarleik að ræða og fær Tindastóll heimaleik sem eitt af 8 efstu liðunum, en liðið endaði í 6.sæti deildarinnar.Meira -
Löngu komið að þolmörkum hjá öllum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.03.2026 kl. 14.13Í forsíðufrétt 10. tölublaðs Feykis sem kom út í morgun var sagt frá því að Selma Barðdal skólameistari FNV og Sigfús Ingi Sigfússon sveitarstjóri Skagafjarðar hefðu fundað með Ingu Sæland mennta- og barnamálaráðherra í upphafi síðustu viku vegna viðbyggingar við verknámshús skólans sem beðið hefur verið eftir í mörg ár. Selma tjáði Feyki að fundurinn hafi verið afar góður og virkilega lausnamiðaðar samræður átt sér stað. „Kom fram ríkur velji ráðherra til að undirbúningi verðið hraðað svo framkvæmdir geti hafist sem fyrst,“ sagði Selma.Meira -
Gildran verður með afmælistónleika í Hofi 21. mars
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 11.03.2026 kl. 13.41Hljómsveitin Gildran fagnar nú um mundir 40 ára starfsafmæli með tónleikahaldi víða um land. Síðast léku þeir félagar fyrir fullu Háskólabíói á geysi velheppnuðum tónleikum og nú er komið að Hofi á Akureyri. Feykir hafði veður af því að hljómsveitin hafi undirbúið þessa tónleika sína talsvert á Hofsósi og lék blaðamanni m.a. forvitni á að vita tilurð þess og ýmislegt annað um þessa landsþekktu og rótgrónu hljómsveit.Meira -
Fólki fækkaði á Norðurlandi vestra síðustu þrjá mánuði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 11.03.2026 kl. 10.35Húnahornið segir frá því að síðastliðna þrjá mánuði hefur íbúum á Norðurlandi vestra fækkað um 38 eða um hálft prósent. Þann 1. mars síðastliðinn var íbúafjöldinn 7.577 en 1. desember 2025 voru íbúar landshlutans 7.615 talsins. Mest er fækkunin í Skagafirði eða um 23 íbúa en annars fækkar í öllum sveitarfélögunum fjórum. Á Skagaströnd fækkar um átta íbúa, í Húnabyggð um fimm og í Húnaþingi vestra fækkar um tvo.Meira
