Kosningar um sameiningu Húnabyggðar og Skagabyggðar
Sveitarfélögin Skagabyggð og Húnabyggð boða til íbúakosninga á grundvelli 119. gr. sveitarstjórnarlaga um sameiningu sveitarfélaga en sveitarstjórnir beggja sveitarfélaga hafa fjallað um álit samstarfsnefndar á grundvelli greinargerðar sem nefndin vann um sameiningu sveitarfélaganna.
Á netsíðum sveitarfélaganna segir að íbúakosning skuli standa yfir í tvær vikur og fara fram dagana 8. til 22. júní 2024. Rétt til þátttöku eiga íbúar sem eiga lögheimili í sveitarfélagi og eru á kjörskrá kl. 12 á hádegi 22 dögum fyrir upphaf atkvæðagreiðslu. Kosningaaldur miðast við 16 ár. Fyrirkomulag kosninga verður auglýst nánar á heimasíðum sveitarfélaganna. Framkvæmd íbúakosninganna byggir á ákvæðum reglugerðar nr. 922/2023 um íbúakosningar sveitarfélaga auk sveitarstjórnarlaga.
Frekari kynning á tillögu samstarfsnefndar um sameiningu sveitarfélaganna fer fram á næstu vikum og boðað verður til íbúafunda í sveitarfélögunum tveimur áður en atkvæðagreiðsla hefst. Miðað er við að íbúafundir verði haldnir dagana 3. og 4. júní nk.
Verði tillaga um sameiningu samþykkt er fyrirhugað að sameining taki gildi 1. ágúst 2024. Ekki er gert ráð fyrir að boðað verði til sveitarstjórnarkosninga, heldur muni sveitarstjórn Húnabyggðar gegna störfum sveitarstjórnar sameinaðs sveitarfélags fram að næstu almennu sveitarstjórnarkosningum. Fram að þeim tíma mun núverandi sveitarstjórn Skagabyggðar starfa sem heimastjórn og jafnframt mun fjallskilanefnd Skagabyggðar starfa áfram í óbreyttri mynd út kjörtímabilið.
Framfaraskref að sameina sveitarfélögin
„Skagabyggð óskaði eftir viðræðum við okkur um mögulega sameiningu sveitarfélaganna, stofnaður var verkefnahópur og síðar samstarfsnefnd sem vann ásamt ráðgjöfum greiningu á samlegðaráhrifum sveitarfélaganna,“ sagði Guðmundur Haukur Jakobsson, forseti sveitarstjórnar Húnabyggðar, þegar Feykir spurði hann hvers vegna Húnabyggð telji rétt að sameinast Skagabyggð. „Það er skemmst frá því að segja að góður samhljómur hefur verið í þessari vinnu og teljum við það framfaraskref að sameina sveitarfélögin með það að leiðarljósi að styrkja rekstrargrundvöll og auka möguleika okkar á að bæta þjónustu. Ég tel að okkar rödd muni eflast enn frekar við að berjast fyrir hagsmunum okkar samfélags.“
Finnst þér líklegt að það styttist í að Austur-Húnavatnssýsla verði eitt sveitarfélag? „Já, ég tel það líklegt í fyllingu tímans,“ sagði Guðmundur Haukur.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.