Kráarkvöld íbúa HSN á Sauðárkróki og Dagdvalar aldraðra
Annað kvöld, fimmtudaginn 13. september, verður bryddað upp á skemmtilegri nýjung hjá Dagdvöl aldraðra í Skagafirði og íbúum á HSN en þá verður haldið kráarkvöld í húsnæði Dagdvalar. Þar er ætlunin að íbúar og notendur Dagdvalar geti átt notalega stund og boðið aðstandendum sínum að koma og njóta með sér.
Það eru þau Stefanía Traustadóttir, forstöðumaður Dagdvalar, Guðbjörg Árnadóttir, deildarstjóri, og sr. Gylfi Jónsson sem eru hvatamenn að þessari kvöldstund en Gylfi hefur undanfarið leitt
söngstundir með íbúum og þjónustuþegum á Dagdvölinni einu sinni í viku en frá því er sagt í nýjasta tölublaði Feykis sem kemur út í dag. Þau hafa bæði reynslu af sambærilegum kráarkvöldum, Gylfi frá því hann var heimilisprestur á Hrafnistu í Hafnarfirði og síðar á Hlíð á Akureyri en þar vann Stefanía einnig áður en hún kom til starfa á Sauðárkróki. „Það sem þessi samvera gerir er að þarna getur fólk setið með sínum nánustu án þess að þurfa að setja á eitthvað langar samræður, fólk getur setið og raulað þessa gömlu texta og fengið sér sérríglas eða öl og átt þarna gæðastund, það hefur verið markmiðið með þessu kráarkvöldi. Við ætlum að sjá hvernig til tekst en mér þætti ákaflega vænt um ef við gætum átt ein tvö til viðbótar fyrir jól,“ segir Gylfi.
Kráarkvöldið hefst klukkan 19:00 og stendur til 21:00. Léttar veitingar verða til sölu og það verður enginn annar en sveiflukóngurinn sjálfur, Geirmundur Valtýsson, sem sér um tónlistarflutninginn.
Athygli er vakin á því að ekki er boðið upp á akstur fyrir þjónustuþega Dagdvalar.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.