Kristinn H. endurvekur Fönklistann

feykir.is Skagafjörður, Austur-Húnavatnssýsla, Vestur-Húnavatnssýsla 01.04.2009 kl. 10.23

Kristinn H Gunnarsson er genginn í barndóm og til liðs við Fönk listann

BB segir frá því að Kristinn H. Gunnarsson, þingmaður utan þingflokka í NV-kjördæmi sem fékk ekki brautargengi í prófkjöri Framsóknarflokksins um miðjan mánuðinn hefur ákveðið að bjóða sig fram í alþingiskosningunum sem fram fara 25. apríl undir merkjum Fönklistans.

Eins og kunnugt er var Fönklistinn skipaður ungmennum sem buðu sig fram við sveitarstjórnarkosningarnar á Ísafirði fyrir rúmum áratug. Fönklistinn kom, sá og sigraði og fékk tvo menn kjörna í bæjarstjórn. „Það er rétt að ég hef ákveðið að bjóða mig fram undir merkjum Fönklistans. Á þessum tímum þegar ráðamenn þjóðarinnar tala hver um annan þveran um að við verðum að ganga í Evrópusambandið, er fátt annað til ráða en að endurvekja listann,“ segir Kristinn sem sagði sig úr Framsóknarflokknum í gær.

„Ég verð með kynningarfund í Alþýðuhúsinu á Ísafirði kl. 20 í kvöld og vona að sem flestir láti sjá sig og kynni sér þær hugmyndir sem ég hef um framtíð Vestfjarða. Ég mun einungis bjóða fram í NV-kjördæmi og verður framboðslistinn klár fyrir helgina,“ sagði Kristinn.

Hilmar Magnússon, fyrrverandi oddviti Fönklistans, staðfestir endurreisn listans og samstarfið við Kristinn. „Kristinn kom að máli við okkur og eftir að hafa tekið þetta fyrir miðstjórninni féllumst við á málaleitan hans.“ Hilmar segir Kristinn eiga vel við Fönklistans. „Grunngildi Fönklistans var að einstaklingar gætu leikið sín eigin stef en þó í samhljómi við samfélagið. Kristinn hefur getað það hingað til og er öflugur maður. Við treystum honum fullkomlega til að halda merkjum uppi merkjum Fönklistans.“

Kristinn Hermannsson, fyrrverandi bæjarfulltrúi Fönklistans, segir málaleitan nafna síns upphaflega hafa mætt vissum efasemdum meðal Fönklistamanna. Við frekari skoðun hafi kostir framboðsins hins vegar komið sífellt betur í ljós. „Nú blasir við ný staða sem gamla pólitíkin mun aldrei geta unnið úr. Fönklistinn er ekki bundinn af sögulegri hugmyndafræði og getur látið reyna á lausnir sem kæmust aldrei í gegnum skapalón sjálfstæðisstefnu eða félagshyggju. Nafni minn er rétti maðurinn til að taka slaginn af því hann þekkir gamla kerfið vel en hefur sagt skilið við það og vill horfa til framtíðar.“

Aðspurður segir hann hugmyndir Fönklistans í atvinnumálum hafa elst vel. „Menn verða að horfa á þessi mál í samhengi. Það getur enginn haldið því fram í dag að elgjarækt hafi verið verri hugmynd en alþjóðleg fjármálamiðstöð. Mönnum er náttúrlega tamt að vera endalaust í niðurrifi en í þessu árferði er það glæpsamleg vanræksla að láta ekki reyna á geggjaðar hugmyndir“, sagði Kristinn Hermannsson.

Til baka

Fleiri fréttir

  • Húnvetningar snéru vörn í sókn með góðum sigri

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40 oli@feykir.is
    Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.
    Meira
  • Nikola hélt búrinu tandurhreinu í dag. MYND: SIGURÐUR INGI

    Tindastólsmenn á góðu róli

    feykir.is Skagafjörður, Íþróttir, Lokað efni 10.05.2025 kl. 23.37 oli@feykir.is
    Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigur
    Meira
  • Kristján Gíslason.MYND AÐSEND

    Eins og að smala köttum að koma Herramönnum saman

    feykir.is Skagafjörður, Lokað efni 10.05.2025 kl. 15.05 gunnhildur@feykir.is
    Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.
    Meira
  • Kári sagði í þakkarræðu sinni að verðlaunin tilheyrðu samfélaginu öllu. Mynd: Hjalti Árnason

    Kári Viðarsson handhafi Landstólpans 2025

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00 siggag@nyprent.is
    Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.
    Meira
  • Mynd aðsend.

    Húni 45. árgangur kominn út

    feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00 siggag@nyprent.is
    Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.
    Meira
Yfirlit frétta