Gert ráð fyrir snjókomu aðfaranótt föstudags
Það hefur ekki beinlínis verið hægt að kvarta undan veðrinu að undanförnu og sæmilega ernu fólki gengur illa að muna hvenær það var sem snjóaði þannig að starfsmenn skíðasvæðisins í Tindastólnum voru búnir að draga fram Max-gallana. Hálfur mánuður eða þrjár vikur? Síðan hefur varla neitt snjóað og vindurinn að mestu haldist kyrr. Veðurkortin gera ráð fyrir einhverri snjókomu í kvöld og nótt en síðan virðist sama hlutleysisástandið taka sig upp aftur og veðurspáin fín fram í næstu viku.
Sólarhringsspáin fyrir Strandir og Norðurland vestra frá í morgun segir: „Suðaustan 5-10 og yfirleitt bjart. Hiti um eða undir frostmarki. Þykknar upp seint í kvöld og fer að snjóa austantil. Hæg suðlæg eða breytileg átt á morgun. Lengst af þurrt, en dálítil slydda eða snjókoma vestantil fram á kvöld. Hiti um eða yfir frostmarki, en frystir víða annað kvöld.“
Laugardagurinn verður bjartur og vindur hægur ef spár ganga eftir hér á Norðurlandi vestra en þó er útlit fyrir að yst á Skaga og Tröllaskaga verði eitthvað annað í boði en í öðrum pörtum landshlutans. Þar er á sunnudag og mánudag gert ráð fyrir talsvert hlýrra lofti, jafnvel rigningu og nokkuð stífum vindi.
Færð á vegum er víðast hvar í góðu lagi þó það þurfi að varast hálku eða hálkubletti á þjóðvegum á Norðurlandi vestra .
Fleiri fréttir
-
Grindavíkurliðið sterkara í Smáranum
feykir.is Skagafjörður, Íþróttir, Lokað efni 05.02.2026 kl. 09.19Ekki náðu lið Tindastóls að tryggja sér sæti í úrslitum VÍS bikarsins að þessu sinni. Strákarnir töpuðu gegn KR í naglbít eins og áður hefur komið fram. Í gær mættu Stólastúlkur toppliði Grindavíkur í Smáranum og var leikurinn í járnum fram yfir miðjan þriðja leikhluta en þá tók Abby Beeman yfir leikinn og fór svo að Grindvíkurliðið vann að. lokum 25 stiga sigur, 74-99.Meira -
Allra síðasta Blöndublótinu aflýst
feykir.is Austur-Húnavatnssýsla, Mannlíf, Lokað efni 05.02.2026 kl. 08.51Húnahornið segir frá því að Blöndublóti, sem halda átti í Félagsheimilinu á Blönduósi 14. febrúar nk., hefur verið aflýst vegna dræmrar þátttöku. Aftur á móti er uppselt á Hreppablótið sem haldið verður á laugardaginn á sama stað.Meira -
Verður Hólastaður seldur? | Jón Bjarnason skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 05.02.2026 kl. 08.40Þau tíðindi eru í vændum að Hólaskóli á Hólum í Hjaltadal verði sviptur sjálfstæði sínu og færður sem deild undir Háskóla Íslands. Samhliða mun starfsemi skólans að stóru leyti fara frá Hóla-stað á Sauðárkrók eða til Reykja-víkur. Þá er ráðgert að hin sögufrægu skólahús – teiknuð af þeim Guðjóni Samúelssyni og Rögnvaldi Ólafssyni - er hafa hýst starfsemi skólans í meir en heila öld - verði framseld til einkaaðila.Meira -
Nú þurfa Stólastúlkur á þér að halda í Smáranum í kvöld!
feykir.is Skagafjörður, Íþróttir 04.02.2026 kl. 15.23Kvennalið Tindastóls spilar í fyrsta sinn í sögu Tindastóls í undanúrslitum í bikarkeppni KKÍ í kvöld en keppnin ber nú nafn VÍS. Andstæðingarnir eru ekki af verri endanum því topplið Grindavíkur bíður Stólastúlkna í Smáranum og hefst leikurinn kl. 20:00 í kvöld. Nú verða allir sem vettlingi geta valdið að fjölmenna í Kópavoginn og styðja stelpurnar okkar – þær eiga það ekki síður skilið en strákarnir að við styðjum þær!Meira
