Króksbrautarhlaup á laugardaginn
Króksbrautarhlaupið verður hlaupið næstkomandi laugardag, 30. september, en það er árlegur viðburður í Skagafirði og renna þátttökugjöld til góðra málefna. Hægt er að velja um nokkrar vegalengdir á leiðinni milli Sauðárkróks og Varmahlíðar og geta þáttakendur valið hvort þeir vilja ganga, hlaupa eða hjóla, allt eftir því hvað hentar hverjum og einum.
Rútuferð í boði Suðurleiða verður frá Sundlaug Sauðárkróks kl. 9:00 og verður hleypt úr henni á nokkrum stöðum á leiðinni, við Staðarrétt, Melsgil, Kjartansstaði og loks við Glaumbæ. Hægt verður að ferja eitthvað af hjólum með rútunni en að sögn Árna Stefánssonar, umsjónarmanns hlaupsins, er algengt að þeir sem hjóla lengi túrinn og hjóli báðar leiðir. Rútan fer ekki lengra en í Glaumbæ en þeir sem vilja fara lengri leið geta það að sjálfsögðu en verða þá að koma sér á byrjunarreit upp á eigin spýtur. Stefnt er að því að allir séu komnir að endastöð við Sundlaug Sauðárkróks í síðasta lagi kl. 12:00. Að hlaupi loknu fá þátttakendur frítt í sund og einnig drykk og ávaxtasalat í boði Skagfirðingabúðar.
Króksbrautarhlaupið hefur verið haldið í um það bil 20 ár og hefur verið lokaþátturinn í sumarstarfi skokkhóps Árna Stefánssonar. Síðustu tólf til þrettán árin hefur halupið verið söfnunarhlaup þar sem ágóðinn rennur til styrktar góðu málefni, að þessu sinni verður fénu varið til að styrkja Jökul Mána, lítinn dreng sem fæddist í sumar, sjö vikum fyrir tímann, og er að fara í hjartaaðgerð í Svíþjóð nú í byrjun október. Hlaupið er öllum opið og einnig geta allir lagt lið, sama hvort þeir reima á sig hlaupaskóna eða ekki en þátttökugjald er 1.000 krónur.
Útlit er fyrir hið besta hlaupaveður en að sjálfsögðu er mikilvægt að búa sig eftir veðri og einnig er æskilegt að vera í áberandi litum fötum og ekki má gleyma að fylgja umferðarreglunum.
Fleiri fréttir
-
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira -
Efri-Fitjar sauðfjárræktarbú ársins 2025
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.05.2025 kl. 11.45Á fagfundi sauðfjárræktarinnar, sem haldinn var á Húsavík 12. apríl síðastliðinn, var búið Efri-Fitjar í Fitjárdal í Vestur-Húnavatnssýslu útnefnt sauðfjárræktarbú ársins og var bændum veittur farandgripurinn Halldórsskjöldurinn af því tilefni. Að búrekstri á Efri-Fitjum standa þau Gunnar Þorgeirsson og Gréta Brimrún Karlsdóttir ásamt syni þeirra, Jóhannesi Geir Gunnarssyni, og konu hans, Stellu Dröfn Bjarnadóttur. Gunnar er uppalinn á Efri-Fitjum og kom inn í búreksturinn með föður sínum 1986, segir á huni.isMeira -
Prestsbær hlaut Ófeigsbikarinn 2025
feykir.is Skagafjörður, Íþróttir, Lokað efni 08.05.2025 kl. 11.18Í byrjun apríl var haldinn aðalfundur Hrossaræktarsambands Skagfirðinga í Tjarnarbæ ásamt því að hæstu kynbótahross síðasta árs voru verðlaunuð. Á fundinum kom meðal annars fram að á vegum HSS verða stóðhestarnir Adrían frá Garðshorni og Lexus frá Vatnsleysu til notkunar í Skagafirði í sumar, skagfirsk kynbótahross stóðu sig afar vel á sl. ári og Skagfirðingar standa afar vel að vígi á landsvísu.Meira -
Björgunarsveitin Grettir með slöngubátanámskeið
feykir.is Skagafjörður, Lokað efni 08.05.2025 kl. 10.20Björgunarsveitin Grettir á Hófsósi segir frá því á Facebook-síðunni sinni að um sl. helgi hafi sjö félagar frá þeim setið námskeið í slöngubátum og var það haldið á Hofsósi. Námskeiðið var bæði bóklegt og verklegt námskeið, þar sem farið var yfir meðal annars hvernig á að setja báta í tog og bjarga einstaklingi upp úr sjó.Meira
