Kvennaskólinn fær stórgjöf
Vinir Kvennaskólans á Blönduósi tóku í gær á móti stórgjöf, húsbúnaði Elínar Briem sem var á heimili hennar á Sauðárkróki árið 1900 og eflaust fyrir þann tíma. Gefendur eru Dr. Helgi Sæmundsson verkfræðingur í Stuttgart og systur hans Sigurlaug Sæmundsdóttir Hampe í Munchen og Elín Briem Sæmundsdóttir Finborud í Osló.
Sæmundur faðir þeirra systkinanna var fóstursonur Elínar Briem. Munir þessir eru gefnir minjastofu Kvennaskólans sem “ Vinir Kvennaskólans” eru að koma á fót og er það eindregin ósk gefenda að munirnir verði varðveittir í Kvennaskólanum á Blönduósi.
Munirnir eru: Tvö borð, sófi og fimm stólar, skatthol, málverk sem sýslunefndir Húnvetninga og Skagfirðinga gáfu Elínu, auk fjölmargra smærri hluta m.a. eru tveir mjög gamlir askar.
Elín Briem starfaði í 18 ár sem forstöðukona Kvennaskóla Húnvetninga, þó ekki samfleytt því aðstæður höguðu því þannig að hún kom fjórum sinnum til starfa við skólann. Fyrst starfaði hún í eitt ár þegar skólinn var á Lækjarmóti , fór síðan til Danmerkur til náms í tvö ár. Þá tók hún við skólanum sem fluttur var að Ytri-Ey og samdi námsskrá ásamt skólanefndarmönnum og skipulagði starfsemi hans frá grunni. Varð skólinn fljótt landskunnur og vinsæll undir hennar stjórn og fjöldi stúlkna flykktist að skólanum til að njóta menntunar. Vorið 1895 giftist Elín Sæmundi Eyjólfssyni og hætti þá störfum við skólann og flutti til Reykjavíkur. Sæmundur dó tæpu ári síðar. Árið 1901 kom Elín aftur til starfa við Kvennaskólann og stýrði honum í tvö ár, giftist þá Stefáni Jónssyni á Sauðárkróki. Hann missti hún árið 1910 og tók þá enn við stjórn Kvennaskólans því Húnvetningar sóttust mjög eftir henni til starfa. Hún hætti árið 1915 vegna heilsubrests.
Elín Briem þótti framúrskarandi stjórnandi og kennari og naut skólinn mikils álits undir hennar stjórn. Hún ritaði Kvennafræðarann sem gefinn var út fjórum sinnum og náði mikilli útbreiðslu. Bókin hafði mikil áhrif á íslenska matargerð, hússtjórn og hreinlæti.
Það er mikill heiður fyrir Húnvetninga að fá að taka á móti þessari veglegu gjöf til minningar um mikilhæfan frumkvöðul í starfi Kvennaskólans og fá að varðveita hana. Gefendur eiga mikinn heiður skilinn.
Þess má geta að flutningskostnaður frá Þýskalandi til Blönduóss var að fullu greiddur af gefendum. Stjórn Vina Kvennaskólans tók á móti sendingunni ásamt Arnari Þór Sævarssyni bæjarstjóra Blönduóss og fleirum.
/Húni.is
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.