Lækkun sorpgjalda í Skagafirði
Aukin flokkun og minni urðun
Á fundi sveitarstjórnar 15. maí sl., var staðfest fundargerð landbúnaðar- og innviðanefndar frá 3. maí þar sem lagt var til að gjald vegna reksturs söfnunarstöðva vegna íbúðarhúsnæðis, í gjaldskrá fyrir sorphirðu og sorpeyðingu í Skagafirði, lækki um 9,8%, sem er 3.500 kr. lækkun á gjaldinu frá og með 1. janúar 2024. Sé þessi lækkun skoðuð með hliðsjón af áætlaðri verðlagshækkun milli áranna 2023 og 2024 gæti þetta verið um 10% lækkun á sorpgjöldum heimila sveitarfélagsins árið 2024, frá því sem áætlanir gerðu ráð fyrir miðað við þá verðbólgu sem er í landinu.
Ástæður lækkunar gleðiefni
Þegar tölur eru skoðaðar kemur í ljós að heimili og fyrirtæki hafa að meðaltali dregið úr urðun um 18% milli áranna 2022 og 2023. Ef eingöngu er horft á magn sorps sem fer til urðunar frá heimilum þá lækkar það um 25% milli ára sem er frábær árangur og sá besti af þeim sveitarfélögum sem urða hjá Norðurá.
Íbúum má þakka fyrir þessa lækkun á gjaldskrá heimila en þeir hafa flokkað meira en áætlanir gerðu ráð fyrir. Af heimilissorpi árið 2023 var 46% alls úrgangsmagns flokkað, þar sem matarleifar, pappír og plast eru umfangsmestu flokkarnir. Árangurinn er góður og tölur frá fyrsta ársfjórðungi þessa árs benda til þess að hlutfall endurvinnslu fari hækkandi. Einnig hefur hjálpað til að stjórn Úrvinnslusjóðs hækkaði greiðslur frá upphaflegri gjaldskrá sinni vegna sérstakrar söfnunar um 15%, afturvirkt frá 1 janúar 2024 og um 7,5% afturvirkt vegna ársins 2023, til samræmis við vísitölubreytingar.
Landbúnaðar- og innviðanefnd lýsir yfir mikilli ánægju með þá þróun sem í gangi er í sorpmálum í Skagafirði og megum við íbúar Skagafjarðar vera stolt af þessu fyrsta ári í nýju kerfi. Verkefninu er þó hvergi nærri lokið og þurfum við öll að halda áfram á þessari braut til að stefna að aukinni endurvinnslu og frekari lækkun gjalda.
Höldum áfram að gera betur
Með aukinni endurvinnslu erum við að varðveita og fara betur með auðlindir sem hægt er að nýta aftur með margvíslegum hætti. Aukin flokkun og endurvinnsla hjá einstaklingum, fyrirtækjum og stofnunum er mikilvægt verkefni sem við getum barið okkur á brjóst fyrir að taka alvarlega og gera vel. Eitt sinn notuðum við ekki sætisbelti í bílum en í dag er það orðinn sjálfsagður hluti af okkar lífi. Áður en við vitum af verður flokkun og endurvinnsla úrgangs eðlilegur hluti af lífi hvers og eins, hvort sem er í leik eða starfi. Það er hagsmunamál okkar allra að auka endurvinnslu og endurnýtingu.
Í lokin má svo minna á umhverfisdaga sveitarfélagsins sem verða haldnir frá 7-14. júní nk. en þá daga er það sameiginlegt verkefni allra að fegra nærumhverfi sitt með tiltekt, málun eða öðru sem gerir fallegt hérað enn fegurra.
Landbúnaðar- og innviðanefnd Skagafjarðar
Einar E. Einarsson
Sólborg S. Borgarsdóttir
Hildur Þ. Magnúsdóttir
Sveinn Þ. Finster Úlfarsson
Fleiri fréttir
-
Búminjasafnið í Lindabæ og Samgöngusafnið í Stóragerði búin að opna fyrir gest
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 10.00Bíla og tækjasöfn Skagafjarðar hafa nú opnað fyrir gesti en Búminjasafnið í Lindabæ opnaði þann 1. júní og er opið alla daga frá kl. 11-17. Samgöngusafn Skagafjarðar opnaði á laugardaginn var og er einnig opið alla daga vikunnar frá kl. 11-17. Nýir sýningargripir bætast við söfnin á hverju ári og er einnig hægt að gæða sér á vöfflum og með því á báðum stöðum alla daga.Meira -
Fínasta veður í dag, 17. júní
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 07.32Á vedur.is segir að á Norðurlandi vestra verði hæg breytileg átt, þurrt og bjart veður og á hitinn að vera frá 10 til 16 stig á svæðinu. Það er því tilefni til að njóta dagsins utandyra í dag, 17. júní.Meira -
Í dag er 80 ára lýðveldisafmæli Íslands
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 06.42Í dag, 17. júní, eru 80 ár liðin frá stofnun lýðveldisins og af því tilefni eru hátíðarhöld um allt land. Ekki láta íbúar á Norðurlandi vestra deigan síga í þeim efnum en vegleg dagskrá er á Sauðárkróki, Blönduósi og Hvammstanga í tilefni dagsins. Feykir óskar Íslendingum nær og fjær til hamingju með daginn.Meira -
Jafnt í fjörugum leik Tindastóls og Víkings
feykir.is Skagafjörður, Íþróttir 17.06.2024 kl. 00.58Eftir þrjá tapleiki í röð ætluðu Stólastúlkur að næla í þrjú stig þegar bikarmeistarar Víkings komu valhoppandi norður yfir heiðar. Loks var leikið á gervigrasinu á Króknum en þar höfðu Stólastúlkur ekki sparkað í keppnistuðru síðan leysingahelgina miklu í apríl. Leikurinn var ágæt skemmtun, hart var barist en eftir að gestirnir náðu forystunni snemma í síðari hálfleik sáu þær um að jafna leikinn þegar skammt var til leiksloka. Liðin fengu því sitt hvort stigið eftir 1-1 jafntefli.Meira -
Töluvert sanngjarn sigur Tindastólspilta
feykir.is Skagafjörður, Íþróttir 16.06.2024 kl. 12.56Tindastólspiltar spiluðu fyrsta heimaleik sumarsins í gær þegar Reykjanesúrvalið mætti á gervigrasið sígræna á Sauðárkróki. Leikurinn var spilaður við fínar aðstæður og var líflegur, þó sérstaklega í fyrri hálfleik en þá baðaði markvörður gestanna sig í sviðsljósinu og hélt markinu hreinu. Stólarnir gerðu það sem þurfti í síðari hálfleik og uppskáru 2-0 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.