Læknaskortur ógnar heilbrigðisþjónustu í Skagafirði
Út er komin ársskýrsla fyrir árið 2013 fyrir Heilbrigðisstofnunina á Sauðárkróki. Heilbrigðisráðherra hefur ákveðið að sameina stofnanir á Norðurlandi í eina stofnun og er gert ráð fyrir að sameiningin taki gildi 1. september 2014.
Stofnunin heldur inn í árið 2014 með neikvætt eigið fé um 60 milljónir króna. Heilbrigðisráðherra stefnir að sameiningu heilbrigðisstofnana á Norðurlandi og er gert ráð fyrir að það gerist 1. september 2014. Sveitarfélagið Skagafjörður hefur farið fram á viðræður við ráðuneytið um yfirtöku á HS. Hvernig þau mál fara mun væntanlega skýrast á næstu mánuðum.
Læknaskortur ógnar heilbrigðisþjónustu í Skagafirði. Stöður lækna hafa ítrekað verið auglýstar en engar umsóknir borist sem er mikið áhyggjuefni. Nú eru eingöngu þrír fastráðnir læknar við stofnunina en reynt er að manna það sem á vantar með afleysingalæknum. Gert er ráð fyrir fimm fastráðnum læknum.
Gjafir og styrkir
Kvenfélag Rípurhrepps færði stofnuninni 500.000 kr., Samband skagfirskra kvenna færði stofnuninni 290.000 kr. og Kvenfélag Staðarhrepps færði stofnuninni 100.000 kr. Keypt voru tvö hjúkrunarrúm ásamt náttborðum og öðrum fylgihlutum, auk sturtustóls. Lionsklúbburinn Björk færði Heilbrigðisstofnuninni Sauðárkróki tvær loftdýnur að gjöf. Dvalarheimili HS fékk að gjöf hljóðnema með hátalara til að auðvelda upplestur sem börn og afkomendur hjónanna Sigríðar Hjálmarsdóttur og Sverris Björnssonar gáfu með þakklæti fyrir umönnun og umhyggju sem þau fengu þann tíma sem þau dvöldu þar. Gíslíana Guðmundsdóttir íbúi á Dvalarheimili HS og dætur hennar færðu dvalarheimilinu að gjöf ágóða af sölu handverks þeirra mæðgna á basar sem haldinn var í félagsaðstöðu dvalarheimilisins þann 24. nóvembers.l. Peningarnir, alls eitthundrað þúsund krónur, voru notaðir til að gera íbúum dvalarheimilisins glaðan dag.
Framkvæmdir
Á árinu 2014 er fyrirhugað að gera við glugga heilsugæslu. Reiknað er með að lyfta sjúkrahúss verði endurnýjuð en hún er orðin 54 ára gömul og hefur þjónað stofnuninni vel. Auk þess verður haldið áfram lóðaframkvæmdum og viðhaldi húss. Þá verður Raftahlíð 62b tekin í gegn að innan. Fasteignir ríkissjóðs sjá um fasteignir stofnunarinnar og eru framkvæmdir á vegum þeirra.
Hér er hægt að sjá skýrsluna í heild sinni.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
