Landinn heimsækir Kolkuós og elliheimilið á Blönduósi
Landinn var á ferð um Norðurland vestra sl. sunnudag og kom við á Kolkuósi í Skagafirði og á elliheimilinu á Blönduósi. Á Kolkuósi hitti Gísli Hjalta Pálsson, sagnfræðing og ritara Byggðasögu Skagafjarðar, og segir hann frá sögu Kolkuóss, sem var hafnar- og verslunarstaður frá 10. öld til 16. aldar og svo aftur á 20. öld.
Hjalti segir Kolkuós hafi í raun verið „gluggi til Evrópu“ en Hólastaður átti þar skip í förum og voru þar mikil umsvif. Þá segir hann hvað þær fornleifarannsóknir sem þarna hafa átt sér stað hafa leitt í ljós og svo er sýnt frá þeim framkvæmdum sem þar eru í gangi. Valgeir Þorvaldsson frá Vatni hefur stofnað sjálfseignarfélagið Kolkuós sem stendur fyrir uppbyggingu staðarins en endurbygging á húsunum þar er einmitt liður í því.
Á Blönduósi var María Magnúsdóttir heimsótt á elliheimilið þar í bæ en hún er einn helsti stuðningsaðili samtakana Ísland – Palestína. María segir frá því þegar hún fluttist til London árið 1939 til að fara í hjúkrunarnám en á sama tíma var seinni heimstyrjöldin í algleymingi. Hún bjó þar í hálfa öld en flutti aftur á Blönduós árið 1992.
María segir frá því hvernig það atvikaðist að hún fór að styðja málstað Palestínumanna og Sveinn Rúnar Hauksson formaður samtakana ÍP segir frá stofnun Maríusjóðs sem miðar að því að styðja við bakið á konum og börnum á Gaza, sem orðið hafa fyrir kynferðislegu eða heimilisofbeldi.
Hér má sjá innslagið í Landanum frá sl. sunnudagskvöldi.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
