Langar þig að vera sjálfboðaliði á Unglingalandsmóti UMFÍ 2026? | Fréttatilkynning
Það hefur vonandi ekki farið fram hjá neinum að næsta Unglingalandsmót UMFÍ verður haldið á Sauðárkróki um verslunarmannahelgina 2026. Mótið hefst fimmtudaginn 30. júlí og lýkur sunnudaginn 2. ágúst.
Unglingalandsmót hafa verið haldin á Sauðárkróki árin 2004, 2009, 2014 og 2023 með hjálp sjálfboðaliða. Þegar Unglingalandsmót UMFÍ var haldið hér á Sauðárkróki árið 2023 voru greiddar 2.500 kr. fyrir hverja vinnustund sjálfboðaliðans til félags/deildar að þeirra vali. Skráðir tímar voru þá um 3.000 og greitt var til aðildarfélaga og deilda tæp 7,5 milljónir.
Mótshaldarar leita að sjálfboðaliðum til að sinna hinum ýmsu verkefnum á Unglingalandsmóti UMFÍ nk. verslunarmannahelgi og eru í boði verkefni við allra hæfi. Með hverri klst. styrkir sjálfboðaliði sitt samband, félag eða deild.
Áhugasamir eru hvött til að fylla út formið.
Ef eitthvað er óljóst skal hafa samband við UMSS umss@umss.is eða í síma 453-5460.
Fleiri fréttir
-
Sex efstu fengu verðlaun | Frá Golfklúbbi Skagafjarðar
feykir.is Skagafjörður, Íþróttir 20.07.2026 kl. 15.12Opna Fisk mótið fór fram í rjómablíðu á Hlíðarendavelli á föstudag og laugardag. Kept var í betri bolta á föstudaginn og Greensome á laugardeginum. Uppselt var í mótið og voru 56 keppendur, eða 28 lið mætt til leiks.Meira -
Húnavakan 2026 er að baki og tókst vel
feykir.is Austur-Húnavatnssýsla, Mannlíf, Lokað efni 20.07.2026 kl. 14.40Ein af mörgum bæjarhátíðum landsins er sú rótgróna Húnavaka sem haldin er í Húnabyggð í Austur-Húnavatnssýslu. Hátíðinni þetta árið er nýlokið en hún stóð yfir dagana 15 – 19, júlí. Metþátttaka var þetta árið og er ekki ólíklegt að íbúafjöldi Húnabyggðar hafi rúmlega tvöfaldast hátíðardagana. Húnavaka var fyrst haldin 1948 og hefur verið haldin árlega síðan með örfáum undantekningum.Meira -
Allir sveitavegir liggja til Hofsóss
feykir.is Skagafjörður, Listir og menning, Lokað efni 20.07.2026 kl. 14.04Sveitavegir er tónlistarhátíð sem fer fram á Hofsósi laugardaginn 25. júlí næstkomandi en þar mun tónlistarfólk héðan og þaðan koma saman og flytja sveitatónlist. Héðan og þaðan stendur þá fyrir tónlistarfólk úr Skagafirði og að sunnan. Fyrirmyndir í tónlistinni eru sóttar vestur um haf en með flæðir einnig þjóðlagapopp og auðvitað íslensk sveitatónlist í bland.Meira -
„Mjög gefandi að hitta gamla og nýja vini sem brenna fyrir sama áhugamáli og við“
feykir.is Skagafjörður, Ljósmyndavefur, Listir og menning, Lokað efni 20.07.2026 kl. 08.27Hinir árlegu tónleikar í Bifröst sem ganga undir nafninu Græni salurinn fóru fram síðasta laugardaginn í júní. Það voru tólf atriði sem stigu á svið og venju samkvæmt var góð stemning og gestir og flytjendur skemmtu sér hið besta. Meðal þeirra hljómsveita sem létu ljós sitt skína var Vænott sem er skipuð brottfluttum Skagfirðingum en þar er Baldvin Ingi Símonarson innsti koppur í búri. Feykir spurði hann út í tónleikana og hljómsveitina.Meira
