Laugardísir í lopapeysum
Dömukvöldið Laugardísir verður að Reykjum á Reykjaströnd í kvöld kl. 20, fimmtudaginn 23. ágúst, og boðið upp á notarlegheit fyrir konur í Grettis- og Jarlslaugum. Þema kvöldsins er að mæta í uppáhalds lopapeysunni sinni (útivistarpeysu).
Tekið verður á móti Laugardísum með fordrykk í Grettis Café undir ljúfum tónum Sigvalda Gunnarssonar. Síðan verður slakað á og notið þess að vera saman í laug Grettis með veigar á bökkunum að hætti Ástu Búadóttur.
„Ásta Búadóttir mun matreiða gómsæta rétti sem verða bornir fram á bökkum lauganna, Sigvaldi Gunnarsson mun spila ljúfa tóna í upphafi kvöldsins, Íris Baldvinsdóttir húmoristi með meiru mun mæta með gítarinn og kitlar hláturtaugar dísa. Síðan er bara að slaka á og njóta þess að vera í góðum hópi kvenna,“ segir í fréttatilkynningu.
Sjóbúðin verður opin þetta kvöld með vörur frá Hosiló sem selur kjóla með karakter og þar ætti hver dama að finna eitthvað við sitt hæfi.
Viðburðurinn er opinn fyrir allar konur 18 ára og eldri. Búningsaðstaða er á staðnum og eru gestir eru hvattir til þess að sameinast í bíla og mæta stundvíslega.
Aðgangseyrir 2000 krónur. Reykir á Reykjarströnd er 16km frá Sauðárkróki.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
