Lið Grunnskóla Húnaþings vestra komið í úrslit Skólahreysti
Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.
Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir og klæddust þau grænu í dag.
„Krakkar, þið eruð þvílíkar fyrirmyndir og stóðuð ykkur eins og kempurnar sem þið eruð!“ segir í færslu á Facebook-síðu Grunnskóla Húnaþings vestra. Úrslitin urðu þau að Victor vann upphífingar og var í 7. sæti í dýfum, Nóa vann hreystigreip og var í 2. sæti í armbeygjum og Saga og Friðrik keyrðu allt í botn og unnu hraðaþrautina.
Keppt er í sex riðlum í dag og á morgun í Laugardalshöllinni og þann 30. apríl verður undankeppni á Akureyri og þar keppa 20 skólar í tveimur riðlum. Þá munu nemendur annarra skóla á Norðurlandi vestra eflaust sýna hvað í þeim býr.
Til hamingju Grunnskóli Húnaþings vestra!
Fleiri fréttir
-
Heima í stofu í kvöld | Áskell Heiðar í spjalli
feykir.is Skagafjörður, Listir og menning 30.04.2024 kl. 09.06Viðburðasénið Áskell Heiðar Ásgeirsson, sem við Skagfirðingar eignum okkur þó hann sé vissulega fæddur og uppalinn á Borgarfirði eystra, býður okkur „Heim í stofu“ núna í Sæluviku. Hann er vissulega ekki að bjóða okkur heim í sína stofu heldur getum við keypt okkur miða á tónleika sem verða haldnir á sex mismunandi heimilum og stöðum á Sauðárkróki. Nú er þetta að bresta á því Heima í stofu er einmitt í kvöld!Meira -
Jóhann Örn ráðinn í nýtt starf tengslafulltrúa hjá Húnaþingi vestra
feykir.is Vestur-Húnavatnssýsla 30.04.2024 kl. 08.33Jóhann Örn Finnsson var í gær boðinn velkominn í nýtt og spennandi starf sem styðja mun við farsæld barna í Húnaþingi vestra. Á heimasíðu sveitarfélagins segir að hann hafi verið ráðinn í nýtt starf tengslafulltrúa á fjölskyldusviði sem auglýst var á dögunum.Meira -
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.