Lið Þórs nýtti síðustu sekúndurnar betur
Tindastóll heimsótti Þór í Þorlákshöfn á föstudagskvöldið og var leikurinn báðum liðum mikilvægur. Stólarnir sýndu ágæta takta og í fyrri hálfleik var leikurinn hnífjafn allan tímann og í raun aðeins í þriðja leikhluta sem Þórsarar náðu ágætri forystu en leikmenn Tindastóls voru snöggir að minnka muninn. Eftir æsilegar lokamínútur voru það heimamenn í Þór sem fögnuðu sigri, 83-81.
Sem fyrr segir var leikurinn jafn og spennandi og varð munurinn á liðunum til að mynda aldrei meiri en þrjú stig í fyrri hálfleik. Heimamenn urðu snemma leiks fyrir áfalli þegar Darri Hilmarsson meiddist og kom ekki meira við sögu. Staðan að loknum fyrsta leikhluta var 20-18 fyrir Þór og í leikhlutunum fjórum var þetta mesti munurinn á liðunum, hinir þrír enduðu með eins stigs mun. Það munaði þremur stigum á liðunum í hléi, staðan 39-36 heimamönnum í vil.
Þórsarar byrjuðu þriðja leikhluta vel og náðu snemma 10 stiga forystu, 48-38, en næstu sjö stig voru Stólanna og leikurinn því í jafnvægi. Helgi Rafn og Drew Gibson voru drjúgir undir lok þriðja leikhluta og að honum loknum var enn þriggja stiga munur, 59-56 fyrir Þór.
Baráttan var mikil í fjórða leikhluta og Tarick Johnson jafnaði leikinn 63-63 og aftur var jafnt 64-64 en heimamenn komust í 68-64 og voru þetta 2-5 stigum yfir þangað til á síðustu mínútunni. Þá fengu Þórsarar dæmda á sig óíþróttamannslega villu, Johnson minnkaði muninn í 79-78 og Stólarnir fengu boltann. Helgi Margeirs kom Stólunum yfir, 79-80, þegar um hálf mínúta var eftir og í framhaldinu tóku heimamenn leikhlé. Grétar Erlendsson klikkaði á skoti þegar um 15 sekúndur voru eftir en David Bernard Jackson, sem fór mikinn í leiknum, náði frákastinu og skoraði. Skot Helga Margeirs var síðan varið og í kjölfarið brutu Stólarnir á Guðmundi Jónssyni sem setti bæði vítin sín niður og það dugði til sigurs því Þórsarar brutu á Svabba sem setti fyrra vítið niður á blálokin en heimamenn náðu frákastinu og Stólarnir fengu ekki tækifæri til að jafna. Lokatölur 83-81.
Gibson var stigahæstur Tindastólsmanna með 21 stig en næstur honum koma Helgi Rafn með 15 stig. Valentine gerði 13 stig og tók 9 fráköst. Þriggja stiga skotin voru ekki að gera sig hjá Stólunum sem settu niður eitt skot í tíu tilraunum en heimamenn gerðu 6 slík í 19 tilraunum. Stólarnir voru talsvert duglegri í fráköstunum en það dugði ekki til sigurs að þessu sinni. Bárður þjálfari var ósáttur í leikslok og fannst sínir menn hafa verið með leikinn í sínum höndum en því miður náðist ekki í tvö stigin í þetta skiptið. Með sigrinum komust Þórsarar í annað sætið í Dominos-deildinni en Tindastóll er í því níunda.
Stig Tindastóls: Gibson 21, Helgi Rafn 15, Valentine 13, Helgi Freyr 11, Johnson 11, Svabbi 4, Hreinsi 3 og Þröstur 3.
Næsti leikur er hér heima gegn Njarðvíkingum á fimmtudaginn. Njarðvíkingar hafa þotið upp stigatöfluna að undanförnu og verða örugglega erfiður andstæðingur. Lið Tindastóls þarf því á stuðningi áhorfenda að halda líkt og á móti Snæfelli og því um að gera að fjölmenna í Síkið.
Fleiri fréttir
-
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira
