Lína Langsokkur skottast um í Bifröst
Leikfélag Sauðárkróks frumsýnir leikritið um hina sterku og snjöllu Línu Langsokk, sem allir ættu að kannast við, föstudaginn 18. október í Bifröst á Sauðárkróki. Ekki þarf að fjölyrða um uppátæki Línu, sem öll eru stórkostleg og enginn ætti að leika eftir, enda erfitt þegar um sterkustu manneskju í heimi er um að ræða. Með hlutverk Línu fer Emelíana Lillý Guðbrandsdóttir en vini hennar, Önnu og Tomma, leika þau Kristín Björg Emanúelsdóttir og Ásbjörn Wage. Langsokk sjálfan, sjóræningjann í Suðurhöfum og pabba Línu, leikur Guðbrandur J. Guðbrandsson. Leikstjóri er Pétur Guðjónsson.
„Æfingar hófust 30. ágúst og hefur æfingatímabilið gengið vel, erum með flottan hóp innan sviðs sem utan sem hefur skilað flottri vinnu undanfarnar vikurnar í góðri leikstjórn Péturs Guðjónssonar. Alls eru um 35 manns í leikhópnum þar af 16 leikendur. Leikfélag Sauðárkróks setur upp tvær sýningar á ári og hefur í mörg ár sett upp barna og fjölskylduleikrit á haustin en farsa, gaman- eða söngleiki á vorin,“ segir Sigurlaug Dóra Ingimundardóttir, formaður félagsins. „Ástæða þess er einfaldlega sú að við viljum hafa eins mikla fjölbreytni og hægt er fyrir alla áhorfendahópa, þó svo að það sé ekkert aldurstakmark á neina sýningu. Einnig viljum við bjóða öllu því frábæra fólki sem starfar með okkur upp á sem skemmtilega og lærdómsríka vinnu innan leiklistarinnar.“
Sigurlaug segir að síðasta haust hafi Ævintýrabókin verið sett upp en þetta haustið hafi verið komið að Línu einfaldlega vegna þess að leikritið er skemmtilegt og einnig vegna þess að það sé langt síðan hún var sett upp síðast hjá LS en undanfarin haust hefur LS verið duglegt við að setja upp þessi klassísku barnaleikrit eins og Dýrin í Hálsaskógi, Emil í Kattholti og Kardimommubæinn.
„Gaman er að segja frá því að oft er talað um leikhópinn sem leikfjölskyldu þá er dásamlega mikið um svona alvöru skyldleika í leikhópnum, mæðgur, systur, mæðgin, feðgin og frændsystkini. T.d. eru Lína og Langsokkur í alvöru feðgin. Þá er einnig gaman að segja frá því að sama dag og við frumsýnum verður Lína frumsýnd í Vestmannaeyjum og hjá Leikfélagi Fljótdalshéraðs í nóvember, þannig að landsmenn ættu svo sannarlega að geta farið í leikhús og skemmt sér með Línu og vinum hennar,“ segir Sigurlaug Dóra.
Sýningaplan
Frumsýning föstudag 18. okt kl 18:00
2. sýning laugardag 19.okt kl 14:00
3. sýning sunnudag 20. okt kl 14:00
4. sýning þriðjudag 22. okt kl 18:00
5. sýning miðvikudag 23. okt kl 18:00
6. sýning föstudag 25. okt kl 18:00
7. sýning laugardag 26. okt kl 14:00
8. sýning sunnudag 27. okt kl 14:00
9. sýning þriðjudag 29. okt kl 18:00
10. sýning miðvikudag 30. okt kl 18:00
11. sýning föstudag 1. nóvember kl 18:00
12. sýning laugardag 2. nóvember kl 14:00
13. LOKASÝNING sunnudag 3. nóvember kl 14:00
Almennt miðaverð 3500 kr
Hópar, eldri borgarar, öryrkjar og grunn og leik skóla börn 3000 kr.
Miðapantanir eru í síma 8499434
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.