Litið við hjá ferðaþjónustuaðilum - Mjólkurhús í nýju hlutverki
Sjálfsagt eru þeir margir Íslendingarnir sem aldrei hafa gefið sér tíma til að staldra við í Húnaþingi, heldur gefa í og bruna eftir hinum tiltölulega beinu og breiðu vegum sýslunnar. Það er þó full ástæða til að gefa sér örlítið tóm og bregða út af vananum því svæðið býður upp á fjölmörg falleg náttúrufyrirbrigði og víða er hægt að leggja lykkju á leið sína án þess að það þurfi að taka svo afskaplega mikið af hinum dýrmæta tíma sem margir eru alltaf í kapphlaupi við. Einn af þeim möguleikum sem eru fyrir hendi er að aka til tilbreytingar veg nr. 715 um Víðidalinn að austan og virða dalinn fyrir sér frá annarri hlið en venjan er og jafnvel að skreppa fram í hin stórfenglegu Kolugljúfur sé ekki verið að flýta sér of mikið.
Einn af þeim bæjum sem ekið er framhjá á þeirri leið er Stóra-Ásgeirsá þar sem Magnús Ásgeir Elíasson býr með hross og sauðfé ásamt fleiri dýrum. Þar hefur um nokkurra ára skeið verið rekin hestaleiga og einnig heimagisting í fjórum björtum og vistlegum herbergjum sem allt í allt rúma níu manns í gistingu. Rétt utan við útidyrnar er heitur pottur á bakka lítillar ár, Ásgeirsár, þar sem hún rennur hjá í fallegum fossum sem nefnast Ásgeirsárfossar. Einnig er á bænum lítill húsdýragarður þar sem að sjálfsögðu er hægt að fá að sjá hesta en einnig endur, hænur, heimaalninga, hunda og ketti og jafnvel kettlinga. Ekki má svo gleyma geitunum og kiðlingunum sem eru sérlega vinalegar og gaman að fá að klappa.
Bar í fjósinu
Nýjasta viðbótin í ferðaþjónustunni á Stóru-Ásgeirsá er svo bar en hann hefur Magnús sett upp í fjósinu sem ekki er notað sem slíkt lengur, nánar tiltekið í gamla mjólkurhúsinu. Barinn dregur vitanlega nafn þar af og nefnist Mjólkurhúsið. Salurinn tekur 24 manns í sæti og þar er framreiddur morgunverður fyrir næturgesti. Á barnum eru náttúrulega ýmsir drykkir í boði og einnig býður Magnús upp á að hægt sé að panta þar kvöldverð, grillað lambakjöt eða kjötsúpu frá bænum. Svo er aldrei að vita nema húsbóndinn taki lagið en hann er liðtækur tónlistarmaður og hefur gefið út disk með lögum sínum og nefnist hann Legg af stað.
Mjólkurhúsið er opið öll kvöld vikunnar, bæði fyrir næturgesti og einnig geta heimamenn og aðrir þeir sem leið eiga um rennt við og kíkt á barinn.
Áður birt í 29. tbl. Feykis 2018
Fleiri fréttir
-
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira -
Fermist í upphlut
feykir.is Skagafjörður, Lokað efni 27.04.2025 kl. 10.00Bergrún Lauga Þórarinsdóttir fermist í Reykjakirkju þann 14. júní. Sr. Halla Rut Stefánsdóttir fermir stúlkuna en foreldrar hennar eru Sigrún Helga Indriðadóttir og Þórarinn Guðni Sverrisson á Stórhóli í Lýtingstaðahreppi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.