Ljómandi lekker Lancome!
Dekur og dúllerí eru athafnir sem Fröken Fabjúlöss er staðfastur og ákafur aðdáandi að! Og í augum Fröken Fabjúlöss gerist dekrið ekki smartara en við það að prufukeyra og leika sér með fallegar og góðar förðunarvörur.
Þessvegna léttist lundin nú heldur betur, og Frökenin gaf frá sér dekurdæs þegar hún fékk að upplifa þá dásemd að leika sér aðeins með nýju jólalínuna frá Lancome! Það fyrsta sem hróflaði við skilningarvitunum voru umbúðirnar á augnskuggunum, svona líka ljómandi gylltar og glitrandi og þar með var Frk Fab fallin fyrir dásemdunum og ekki aftur snúið!
Augnskuggarnir eru geggjaðir- ekkert annað orð yfir þá! Alveg ótrúlega mjúkir eitthvað og ofsalega auðvelt að blanda þá! Í jólalínunni eru líka tvær gerðir af pigment (augnskuggadufti) sem eru hrein dásemd að nota í smokey! Varalitirnir eru líka ekki af verri endanum, alveg hreint hrópandi rauðir og glitrandi gómsætir! Fröken Fabjúlöss hefur það eftir áreiðanlegum heimildum að dökkar eða litríkar (og þá helst rauðar) varir séu málið þessa dagana, og eru jólavaralitirnir frá Lancome gera góða hluti!
Svo eru það að sjálfsögðu naglalökkin ljúffengu! Þar sem Frökenin fór í gegnum ákveðna gæðaprófun með Flirty Red (rauða naglalakkið) getur hún svarið og sárt við lagt að líftími lakksins á nöglunum er allavega vika. Almenn leti, skortur á naglalakkleysi og undir það síðasta forvitni gerðu það að verkum að lakkið ílengdist á nöglunum og sá ekki á því þegar Frk. Fab loksins gafst upp!
Það sem einkennir jólalínuna frá Lancome er GLAMÚR og glitrandi glæsileiki!!! Það er langt síðan Fröken Fabjúlöss hefur hnotið um jafn fallega sanseringu, og einkennist jólalínan í raun af sanseringu, gyllingu og glitri! Ef hin almenna pjattrófa hefur ómótstæðilega löngun til að vera glamúröss á jólahlaðborðum komandi desembermánaðar fyndist Fröken Fabjúlöss ekki svo arfavitlaust af téðri pjattrófu að skunda hnarrreist út í Lyfju og tríta sig vel, þó það væri ekki nema bara einn augnskuggi, þetta er svo fallegt!!!!
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
