Málþing um stöðu og framtíð smáframleiðenda

feykir.is Skagafjörður, Austur-Húnavatnssýsla, Vestur-Húnavatnssýsla 09.02.2026 kl. 15.17 oli@feykir.is

Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 7. mars næstkomandi klukkan 10-15 í Miðgarði í Varmahlíð. Nánari dagskrá málþingsins verður auglýst síðar en líklegt má telja að til umræðu verði bæði áskoranir og tækifæri sem smáframleiðendur standa frammi fyrir á markaði.

Rekstrarumhverfi smáframleiðenda er víða íþyngjandi, m.a. fjármálaumhverfið og þungt regluverk, en að sama skapi hefur áhugi neytenda og stórmarkaða á vörum þeirra aukist á undanförnum árum. Neytendur sækjast í auknum mæli eftir vörum smáframleiðenda sem hafa gæði, skýran uppruna, rekjanleika og sjálfbærni að leiðarljósi.

Til baka

Fleiri fréttir

  • Tea Lundmark fékk eldskírn í dag. MYND AF NETINU

    Tea Lundmark semur við Tindastól – Skellur í Lengjubikarnum

    feykir.is Skagafjörður, Íþróttir, Lokað efni 08.02.2026 kl. 19.11 oli@feykir.is
    Stólastúlkur eru komnar með nýjan markvörð til að verja mark sitt í Lengjudeildinni í sumar en Tea Lundmark hefur skrifað undir samning við Tindastól. Hún hefur spilað í Svíþjóð allan sinn feril, er mætt til landsins og komin með leikheimild fyrir fyrsta leikinn í Lengjubikarnum.
    Meira

  • Níu lið mæta til leiks í reiðhöllina

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.02.2026 kl. 18.25 oli@feykir.is
    Meistaradeild KS í hestaíþróttum hefst í Reiðhöllinni Svaðastöðum á Sauðárkróki miðvikudaginn 11. febrúar kl 18:00 þar sem keppt verður i fjórgangi. Í MD KS er keppt í átta mismunandi greinum og stendur keppni fram á vor; alls sex keppnisdagar en lokakvöldið verður 17. apríl sem er föstudagur í Sæluviku. „Í vetur mæta níu lið til leiks og því 27 keppendur í hverri grein þar sem þrír knapar úr hverju liði mæta til leiks, nema i gæðingalist þar sem tveir knapar úr hverju liði taka þátt i þeirri grein. Það eru þónokkuð margir nýir knapar sem mæta til leiks í vetur og verður gaman að fylgjast með þeim spreyta sig á þessu sviði,“ segir Sigurlína Erla Magnúsdóttir mótsstjóri Meistaradeildar KS í samtali við Feyki.
    Meira
  • Eusteinn á Jólunum heima síðastliðinn desember. MYND: SIGURÐUR INGI

    Fer mjúkur inn í daginn með Karen í Carpenters í eyrunum / EYSTEINN ÍVAR

    feykir.is Skagafjörður, Tón-Lystin, Lokað efni 08.02.2026 kl. 14.40 oli@feykir.is
    Þó Eysteinn Ívar Guðbrandsson sé nú bara á 25. ári þá er eiginlega mesta furða að Feykir sé ekki löngu búinn að plata hann í að svara Tón-lystinni, enda kappinn búinn að vera viðriðinn leik og söng frá unga aldri. Hans hljóðfæri er píanó en hann segir þó sjálfur að aðalhljóðfærið hans sé röddin. Eysteinn, sem er fæddur árið 2001, er Króksari og hefur búið þar alla tíð. „Ég er sonur þeirra Guðbrands Jóns Guðbrandssonar og Sigurlaugar Vordísar Eysteinsdóttur.
    Meira
  • Patrekur Snær ásamt Tinna. Fyrir ættfræðiþyrsta þá er Patrekur sonur hjónanna Jóns og Lenu. Jón er útfararstjórinn á Króknum og Lena er sjúkraþjálfari. Patrekur á einnig bróðir sem heitir Magnús Elí. MYND AÐSEND

    Hundurinn sem aldrei verður þreyttur | Ég og gæludýrið mitt

    feykir.is Skagafjörður, Lokað efni, Ég og gæludýrið mitt 08.02.2026 kl. 14.00 siggag@nyprent.is
    Labrador hundar eru meðal vinsælustu hundategunda í heiminum í dag og er engin furða því hér eru á ferðinni vingjarnlegir, greindir, leiknir og geðgóðir hundar sem eru góðir fjölskylduhundar og miklir vinnuhundar. Labrador, eða Labbi eins og tegundin er stundum kölluð, eru meðal þeirra hunda sem eru hvað fljótastir að læra og eru miklir sundkappar enda voru þeir upphaflega ræktaðir til þess að sækja bráð skotveiðimanna í vatn og til brúks á andaveiðum.
    Meira
Yfirlit frétta