Meiriháttar maskaraklikk!
Ein er sú athöfn sem í daglegri rútínu Fröken Fabjúlöss er dæmd til misjafnlega stórvægilegra mistaka: Maskaraásetning!
Einhverra hluta vegna nær Frökenin alltaf að klúðra hlutunum ponsulítið og í enda ásetningar má finna margvíslegar og misjafnlega smart maskaraklessur á hernaðarlega mikilvægum stöðum í kringum augun og hefur Fab það á tilfinningunni að hún sé nú ekki ein um þessi förðunarskæðu mistök! Í upphafi förðunarferils Fröken Fab rauk hún alltaf í blautar maskaraklessurnar með annaðhvort fingurgómum eða blautum eyrnapinna og náði oft að gera illt verra, en stundum varð hreinlega að byrja bara alveg upp á nýtt með förðunina, og þar sem maskarinn er yfirleitt það seinasta sem fer í andlitið þá var þetta hvimleitt í besta falli!
En þar sem Fröken Fabjúlöss sýgur í sig förðunar og lífsstílsráð eins og þurr svampur leið ekki á löngu áður en hún hnaut um besta ráðið til að redda málunum þegar þessar aðstæður koma upp: Þurr eyrnapinni!
Það sem best er að gera þegar óstöðug höndin hefur skilið eftir sig maskaraklikkelsi er að bíða í svona sirka mínútu á meðan maskarinn þornar á húðinni. Málið er að flestir maskarar innihalda gúmmí, og þegar það þornar er strax orðið auðveldara að ná klessunni af án nokkurra ummerkja með því að strjúka létt yfir hana með þurrum eyrnapinna (verður að vera þurr), vandamálið er úr sögunni og förðunin óhreyfð og gordjöss!
Þetta var fyrsta tip of the trade ársins 2013 í boði Fröken Fabjúlöss. Viljum við hérna í fegurðarhorni Fabjúlössmans nota tækifærið og óska ykkur öllum dásamlega fabjúlöss og ótrúlega gleðilegs nýs árs og þökkum í auðmýkt fyrir samfylgdina á liðnu ári!
Gerum árið 2013 ennþá meira Fabjúlöss!
Fleiri fréttir
-
Tveir bikarleikir á vellinum í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira -
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira
