Merkilegur fornleifafundur í Skagafirði
Komið hefur í ljós að skinn úr handriti sem fannst við uppgröft í fornum grafreit á Helgastöðum í Víðidal í Vesturfjöllum í Skagafirði á síðasta ári reyndist heldur merkilegri en talið var í fyrstu. Samkvæmt Guðmundi Sigurðssyni fornleifafræðingi sem unnið hefur að því í vetur að hreinsa og rannsaka það kann hér að vera á ferðinni blaðsíða úr hinni glötuðu bók er greinir frá Gauki á Stöng í Þjórsárdal.
Á Wikipedia segir að Gaukur Trandilsson (líklega uppi á 10. öld) sé persóna í glataðri Íslendingasögu, sem kennd var við hann. Í Möðruvallabók er eyða á milli Njáls sögu og Egils sögu og þar eru tvær illæsilegar línur sem Jóni Helgasyni prófessor tókst loks að lesa og segir þar: „Láttu rita hér við Gauks sögu Trandilssonar, mér er sagt að Grímur eigi hana.“ Sagan var þó aldrei skrifuð í eyðuna og glataðist.
Á blaðsíðunni sem nú er í vörslu Fornminjadeildar Byggðasafns Skagfirðinga er kvæði er greinir frá uppgjöri Gauks og Steinólfs á Steinastöðum en sá fyrrnefndi er sagður hafa átt húsfreyjuna á Steinastöðum að ástkonu eins og frægur kviðlingur frá miðöldum gefur til kynna:
- Önnur var öldin,
- er Gaukur bjó í Stöng.
- Þá var ei til Steinastaða
- leiðin löng.
Guðmundur segir að margt sé sérstakt við handritið m.a. það að skinnið er greinilega ekki kálfsskinn eins og algengast var að skrifað var á á þeim tíma en það á eftir að kanna nánar. Skinnið verður sent í forvörslu á Þjóðminjasafnið á morgun þar sem það mun verða í framtíðinni en fólk getur fengið að berja skinnið augum ásamt öðrum munum er fannst við þennan merka fund, í dag milli 14: og 17:00 í Minjahúsinu á Sauðárkróki. Þar verður boðið upp á kaffi og bakkelsi ásamt því að Árni Blöndal sem er mikill áhugamaður um sögu Gauks Trandilssonar mun lesa kvæðið fyrir gesti og ræða um sögu hans og örlög. Allir eru velkomnir meðan húsrúm leyfir.
Hér fyrir neðan má sjá viðtal sem Stefán Friðrik Friðriksson átti við Guðmund í tilefni af þessum merka fundi.
Uppfært 2. apríl. Hér er um aprílgabb að ræða. Takk fyrir allir sem tóku þátt, líka þeir sem mættu í Minjahúsið.
http://www.youtube.com/watch?v=PdP14vY3EAI
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
