Metnaðarfullt verk um ævi listamanns
Bræðurnir Elías, Sigurlaugur, Gyrðir og Nökkvi Elíassynir eru ritstjórar bókar um Elías B. Halldórsson listmálara sem væntanleg er í nóvember. Bókin ber titilinn - Málverk / svartlist - Paintings / Graphic Works. Hönnun bókarinnar stýrðu þeir Sigurlaugur Elíasson og Aðalsteinn S. Sigfússon.
Bókin um Elías B. Halldórsson er yfirgripsmikið verk sem unnendur listar hans munu telja happafeng. Mjög víða var leitað fanga við eftirtökur og ljósmyndun listaverka Elíasar svo bókin yrði sem sannastur vitnisurður um þennan fjölhæfa og margslungna listamann. Burðarvirki bókarinnar er að sjálfsögðu myndlist Elíasar sem kynnt er í þremur hlutum undir heitunum Maður / Náttúra - Hús / Land og Afstrakt. Umsjón með ljósmyndun verkanna hafði Nökkvi Elíasson.
Aðalsteinn Ingólfsson listfræðingur ritar um feril og myndlist Elíasar í grein sem nefnist Sólbræddir vængir.
Einar Falur Ingólfsson fjallar um ljóða- og bókaskreytingar Elíasar auk þess að rita formála bókarinnar.
Í bókinni er birt smásagan Gamli málarinn eftir Gyrði Elíasson.
Einn þáttur bókarinnar nefnist Viðhorf / Skoðanir en þar er tekið saman það helsta sem Elías lét hafa eftir sér um listina og tilveru listamannsins.
Í ítarlegum bókarauka er að finna margskonar upplýsingar; ævistiklur, ferilskrá, sýningayfirlit og ýmislegt fleira.
Ekkert var til sparað við gerð bókarinnar en hún er í stóru broti og telum um 240 blaðsíður á vönduðum pappír. Ítrustu kröfur voru gerðar, jafnt við undirbúning, ritun og myndvinnslu, prentun og frágang. Fjöldi fólks hefur lagt hönd á plóg við gerð bókarinnar og haft það að leiðarljósi að hún megi verða sem glæsilegust og bera listamanninum Elíasi B. Halldórssyni fagurt vitni.
Allur texti bókarinnar er bæði á islensku og ensku.
Allan Rettedal og Sarah Brownsberger sáu um enska þýðingu.
Fleiri fréttir
-
Alþjóðlegi safnadagurinn hjá Byggðasafni Skagfirðinga á sunnudaginn
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 14.05.2025 kl. 14.40Í tilefni safnadagsins þann 18. maí n.k. verður í fyrsta sinn boðið upp á opið hús í varðveislurými safnsins í Borgarflöt 17D á Sauðárkróki kl. 14-16.Meira -
Vel heppnuð námsferð stúdenta í iðnaðar- og orkutæknifræði á Sauðárkrók
feykir.is Skagafjörður 14.05.2025 kl. 13.17Þann 6. maí síðastliðinn fóru stúdentar í iðnaðar- og orkutæknifræði í vel heppnaða dagsferð til Sauðárkróks þar sem þeir heimsóttu eftirtalin fyrirtæki á svæðinu: Mjólkursamlag KS, Steinullarverksmiðjuna, Stoð verkfræðistofu, Fisk Seafood og dagurinn endaði svo á því að skoða borholu hjá Skagafjarðarveitum. Auk þess kíktu stúdentarnir í heimsókn í Fjölbrautarskóla Norðurlands Vestra (FNV) þar sem stúdentar og starfsfólk kynntu iðnaðar- og orkutæknifræði fyrir nemendum skólans.Meira -
Tilkynning um fráveituframkvæmdir í Víðihlíð á Sauðárkróki 14. - 15. maí
feykir.is Skagafjörður 14.05.2025 kl. 12.27Á vef Skagafjarðar er vakin athygli á því að vegna fráveituframkvæmda í Víðihlíð á Sauðárkróki í dag og á morgun, megi búast við vegaþrengslum á framkvæmdasvæðinuMeira -
Tvö uppáhaldsliðin að mætast í úrslitum
feykir.is Skagafjörður, Íþróttir, Lokað efni 14.05.2025 kl. 09.40Rakel Rós Ágústsdóttir er fædd og uppalin á Sauðárkróki og má kannski segja að hún komi úr fremar rótgróinni körfuboltafjölskyldu. Hún, bræður og systir körfubolta-spilandi og síðan er hún gift Baldri Þór Ragnarssyni og á með honum soninn Ragnar Thor. Fyrir þá sem ekki vita er Baldur, maður Rakelar, þjálfari Stjörnunnar í meistaradeild karla í körfubolta sem etur nú kappi við Tindastól í úrslitum bónusdeildarinnar í körfubolta. Þriðji leikurinn í seríunni fer einmitt fram í Síkinu í kvöld og hefst á slaginu 19:15.Meira -
Hollvinasamtök Heilbrigðisstofnunar Hvammstanga hélt aðalfund
feykir.is Vestur-Húnavatnssýsla, Mannlíf, Lokað efni 14.05.2025 kl. 08.38Aðalfundur Hollvinasamtaka Heilbrigðisstofnunar Hvammstanga var haldinn þann 5. maí sl. Í tilkynningu frá samtökunum segir að á þeim 19 árum síðan samtökin voru stofnuð hafi þau afhent stofnuninni gjafir að upphæð kr. 51.280.000 sem á núvirði eru líklega í kringum 80 milljónir.Meira
