Mikið fannfergi í Fljótum
-Það er allt á kafi hérna, það sést varla í girðingastaura. Það er einn og einn byrjaður að kíkja upp, segir Jóhannes H. Ríkharðsson bóndi á Brúnastöðum í Fljótum en bændur þar eru uggandi vegna þessa nú þegar stutt er í sauðburð. Ástandið er sérstaklega slæmt í Vestur-Fljótum þar sem fannfergi er mikið enda reglulega bætt á frá því í nóvember.
Fyrir helgi funduðu bændur með sveitarstjóra Svf. Skagafjarðar, formanni byggðarráðs, sviðstjóra tæknisviðs, formanni landbúnaðarnefndar, formanni Almannavarnanefndar Skagafjarðar, og ráðunaut frá Leiðbeiningamiðstöðinni sem mættu á svæðið og fóru yfir stöðuna athuguðu hvernig best væri að bregðast við ástandinu. -Ekki er ráð nema í tíma sé tekið og þá er einnig ágætt að vera í samráði við nágrannasveitarfélög sem eru í sama vanda og við eins og Svarfaðardalur og Þingeyjasveit og jafnvel önnur. Þetta þarf að gerast áður en menn detta í sauðburð því þá geta menn lítið sinnt öðru, segir Jóhannes.
-Sauðburður er að fara af stað hvað úr hverju og ef ekki fer að hlýna af krafti þá verður ansi þröngt á þingi, því að hér er ekki lófastór blettur af auðri jörð. Ef menn ætla að koma einhverju út þá þarf að fara að moka hér í kringum hús, segir Jóhannes en hann rekur ásamt Stefaníu Hjördísi Leifsdóttur konu sinni, áttahundruð kinda bú. Þau eiga von á tæplega fjórtán hundruð lömbum í vor svo það er að ýmsu að hyggja.
Heyfengur bænda var rýrari en venja er eftir mikið þurrkasumar og segir Jóhannes að varla hafi rignt frá því að hætti að snjóa í fyrravor og þangað til byrjaði að snjóa í fyrrahaust.
-Menn hafa reynt að spara hey eins og hægt er. Það sem bjargaði hér var að menn voru að slá sinutún og útengi og annað slíkt sem alla jafna er ekki slegið. Menn hafa passað að sóa ekki heyi að óþörfu og losað sig við óþarfaskepnur. Menn eru svosem ekkert óvanir því að gefa út maí en þurrkasumarið var slæmt í fyrra og heyfengur lélegri fyrir vikið.
Meðfylgjandi myndir sem ábúendur á Brúnastöðum tóku á dögunum segja meira en mörg orð.
.
Fleiri fréttir
-
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira -
Króksmót ÓB um helgina
feykir.is Skagafjörður, Íþróttir, Mannlíf, Lokað efni 19.06.2025 kl. 11.40Sumarmót knattspyrnudeildar Tindastóls eru tvö á ári: 6. flokkur stúlkna keppir helgina 21. – 22. júní 2025 en 6.-7. flokkur drengja 9.-10. ágúst 2025. Núna um helgina eru það sem sagt stelpurnar sem spreyta sig í boltanum. Spilaður er 5 manna bolti og er hver leikur 2x8 mínútur. Fyrstu leikir hefjast kl. 9:00 á laugardegi og er áætlað að síðustu leikjum ljúki fyrir kl. 15:00 á sunnudegi. Um 300 leikir verða spilaðir á þessum tíma þannig nóg verður um að vera.Meira
