Mikil fjölbreytni í starfi Þekkingarsetursins
Starfsemi Þekkingarsetursins á Blönduósi var fjölbreytt á árinu sem er að líða og fer verkefnum þess sífellt fjölgandi. Katharina A. Schneider, framkvæmdastjóri Þekkingarsetursins, lítur yfir helstu þætti í stafri ársins í pistli á vef þess nú á dögunum.
Þekkingarsetrið var þátttakandi í átaksverkefni á sviði ferðamála ásamt Ferðamálafélagi Austur-Húnavatnssýslu, Blönduósbæ, Húnavatnshreppi og Skagabyggð þar sem verkefni ársins voru m.a. útgáfa afrifukorts og endurútgáfa bæklingsins ,,Milli fjalls og fjöru" svo og ráðning í stöðu ferðamálafulltrúa sem hefur starfsaðstöðu í Kvennaskólanum í dag.
Starfsmenn Þekkingarsetursins voru þátttakendur í ýmsum verkefnum, m.a. í undirbúningi Prjónagleði 2017 og einnig stýrðu þeir tilraunaverkefninu ,,Heimsókn listamanna í skóla” haustið 2017 en það verkefni var unnið í nánu samstarfi við Nes listamiðstöð og Textílsetur. Markmið þess var að efla samstarf milli listamiðstöðva og skóla á svæðinu og gefa nemendum tækifæri til að kynnast fjölbreytileika listanna frá mismunandi menningarheimum. Því verkefni lauk þann 14. desember og voru sjö skólar á svæðinu heimsóttir af hinum ýmsu listamönnum. Hægt er að lesa sér til um heimsóknirnar hér.
Á árinu var lögð áhersla á þróun rannsókna og áframhaldandi uppbyggingu textíllistamiðstöðvar í Kvennaskólanum í samstarfi við Textílsetrið. Alls dvaldi 91 listamaður í Kvennaskólanum á árinu.
Rannsóknarverkefnið „Bridging Textiles to the Digital Future", sem hlaut styrk frá Tækniþróunarsjóði Rannís hófst á árinu en það er samstarfsverkefni Þekkingarsetursins og Textílsetur Íslands. Felst það m.a. í skráningu á vefnaðarmunstrum sem tilheyra Vinum Kvennaskólans, Heimilisiðnarsafninu o.fl. í rafrænan gagnagrunn, uppsetningu vefsvæðis þar sem mynstrin verða aðgengileg fyrir textíllistamenn, hönnuði og nemendur og miðlun sérþekkingar á TC2 rafrænum vefstól sem staðsettur er í Kvennaskólanum.
Þá komu starfsmenn setursins að útgáfu The IceView, tímarit um bókmenntir og listir en það fjallar um verk rithöfunda og listamanna sem ferðast til Íslands og hafa unnið að textíltengdum verkefnum.
Á verkefnaskrá næsta árs kennir ýmissa grasa. Í lok apríl er stefnt að því að halda list-og menningarrástefnu á Blönduósi, Prjónagleði, hátið fyrir áhugafólk um prjón, verður haldin á Blönduósi þriðja sumarið í röð dagana 8. - 10. júní og þá munu nemendur frá Concordia háskóla í Kanada dvelja í listamiðstöðinni í júnímánuði.
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.