Mikil starfsemi í Svaðastaðahöllinni

feykir.is Skagafjörður, Hestar 19.05.2010 kl. 08.40

Á heimasíðu Reiðhallarinnar Svaðastaða á Sauðarkróki er búið að taka saman viðburði vetrarins frá áramótum og er óhætt að segja að það hafi verið með miklum blóma. Mörg og góð mót, kröftugt barna og unglingastarf og glæsilegar sýningar.

Veturinn byrjaði með úrtöku fyrir Meistaradeild Norðurlands (KS-deildin) þar sem 14 voru skráðir, að berjast um sjö laus sæti í deildinni. Upp úr febrúar fór sameiginlegt barna- og unglingastarf hestamannafélaga í Skagafirði af stað, þar sem um 90 börn og unglingar komu saman hálfs mánaðarlega.  Að auki var hestamannafélagið Léttfeti með æfingar tvö kvöld í hverri viku, þar sem 50 börn og unglingar mættu.

Þá fóru mótin af stað, fyrst KS-deildin (fjögur mót) með sína 18 keppendur, þá Skagfirska mótaröðin (fjögur mót), sem að jafnaði var með um 50 til 60 skráningar á hverju móti. Síðan kom að hinu margrómaða Áskorendamóti Riddarana þar sem fimm lið öttu kappi við hvert annað. Þá var komið að konunum, en haldið var Kvennatölt Norðurlands í byrjun apríl þar sem keppt var í tveimur flokkum, minna (26 skráningar) og meira vanar (20 skráningar). Tókst það með ágætum og er komið til að vera. Að lokum var haldið eitt af þremur grunnskólamótum í hestaíþróttum, sem er samstarf hestamannafélaga á Norðurlandi vestra.

Ræktun Norðurlands var haldin í annað sinn með miklum glæsibrag og síðan var Tekið til kostanna á sínum stað. Troðfull höll og sýningin með þeim allra bestu. Ungdómurinn átti svo að setja punktinn yfir i-ið, með stór sýningu Æskan og hesturinn. En vegna hósta og eða kvefpestar í hrossum varð að aflýsa þeirri sýningu þetta árið og er það miður, því búið var að æfa mikið og stefndi í flotta sýningu.

Fyrir utan allt þetta hefur hestabraut Fjölbrautarskólans verið starfandi í allan vetur með yfir 30 nemendur. Þá hefur fótbolti fengið inni yfir vetrarmánuðina og Iðja (hreifihamlaðir einstaklingar) . Auk þess hafa reiðkennarar komið og verið með einkakennslu og fyrir hópa. Þá hafa tamningamenn og annað hestaáhugafólk verið duglegt að æfa í höllinni á þeim tímum sem laust er.

Eins og sést á þessari miklu upptalningu er starfsemin ærin í reiðhöllinni Svaðastaðir og telja aðstendur hennar að óvíða sé meira um að vera í reiðhöllum landsins.

Til baka

Fleiri fréttir

  • Húnvetningar snéru vörn í sókn með góðum sigri

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 11.05.2025 kl. 07.40 oli@feykir.is
    Húnvetningar rifu sig í gang í 2. deildinni í knattspyrnu í dag eftir hálfgert rothögg fyrir austan um síðustu helgi. Það voru kannski ekki allir sem höfðu trú á því að lið Kormáks/Hvatar myndi rétta strax úr kútnum eftir 8-1 tap en þeir hafa efalaust verið staðráðnir í að rétta kúrsinn við fyrsta tækifæri. Það voru Seltirningar í Gróttu sem fengu að kenna á því á Blönduósi og máttu þola 2-0 tap.
    Meira
  • Nikola hélt búrinu tandurhreinu í dag. MYND: SIGURÐUR INGI

    Tindastólsmenn á góðu róli

    feykir.is Skagafjörður, Íþróttir, Lokað efni 10.05.2025 kl. 23.37 oli@feykir.is
    Lið Sindra frá Hornafirði mætti á Krókinn í dag og lék við lið Tindastóls í 2. umferð 3. deildar karla í knattspyrnu. Bæði lið höfðu unnið leiki sína í fyrstu umferðinni sem spiluð var um síðustu helgi. Það voru Stólarnir sem kræktu í stigin þrjú sem í boði voru og unnu góðan 2-0 sigur
    Meira
  • Kristján Gíslason.MYND AÐSEND

    Eins og að smala köttum að koma Herramönnum saman

    feykir.is Skagafjörður, Lokað efni 10.05.2025 kl. 15.05 gunnhildur@feykir.is
    Hljómsveitin Herramenn stefnir á tónleikahald í Ljósheimum nú um miðjan maí. Hljómsveitin er skipuð nokkrum snillingum úr '69 árgangnum á Króknum, byrjaði sem skólasveitin Bad Boys, síðan Metan og loks Herramenn. Menn hafa komið og farið en kjarninn er og hefur alltaf verið þeir Árni Þór Þorbjörnsson á bassa, Birkir Guðmundsson á hljómborð, Karl Jónsson á trommur og Svavar Sigurðsson á gítar. Og punkturinn yfir i-ið er alltaf söngvarinn en þar finnum við fyrir Kristján Gíslason.
    Meira
  • Kári sagði í þakkarræðu sinni að verðlaunin tilheyrðu samfélaginu öllu. Mynd: Hjalti Árnason

    Kári Viðarsson handhafi Landstólpans 2025

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 12.00 siggag@nyprent.is
    Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtækjum og hópum sem þykja hafa skarað fram úr í verkefnum sínum og störfum.
    Meira
  • Mynd aðsend.

    Húni 45. árgangur kominn út

    feykir.is Austur-Húnavatnssýsla, Aðsendar greinar, Vestur-Húnavatnssýsla 10.05.2025 kl. 10.00 siggag@nyprent.is
    Á heimasíðu USVH segir að Húni, ársrit Ungmennasambands Vestur-Húnvetninga, sé komið út, að þessu sinni 45. árgangur. Birtar eru fréttir síðasta árs úr öllum „gömlu sveitarfélögunum“ sem mynda Húnaþing vestra og minnst þeirra sem létust á síðasta ári á svæðinu. Einnig eru í ritinu frásagnir, ljóð og annar fróðleikur úr héraði.
    Meira
Yfirlit frétta