Mikill afli berst á land
Sl. mánudag kom Klakkur SK-5 inn til löndunar með um 125 tonn. Af þeim afla voru um 115 tonn þorskur tæp 6 tonn lifur og restin ýmsar tegundir. Á miðvikudag landaði Örvar SK-2 tæplega 9000 kössum af frosnum afurðum. Af því eru 6145 kassar grálúða, u.þ.b. 160 tonn. Af karfa eru 1644 kassar eða tæp 35 tonn, 687 kassar af gulllaxi eða tæp 18 tonn og 319 kassar af blálöngu sem gerir 8 tonn. Einnig er um 14 tonn af þorski.
Þetta kemur fram á heimasíðu Skagafjarðahafna en þar segir líka að í síðustu viku hafi Klakkur komið inn eftir brælutúr með einungis 27 tonn af þorski og smávellu af öðrum tegundum. Einnig kom Röst SK-17 inn vegna brælu með um 1100 kíló af rækju.
Hafborg SK-54 er búinn að fara fimm róðra í mánuðinum og landa samtals 3,1 tonni. Á miðvikudagsmorgun lönduðu Vinur SK-22 og Már SK-90 sitt hvorum 700 kílóunum.
Á Hofsósi hafa menn einnig verið að nudda upp fiski. Ásmundur SK-123 hefur landað tvisvar samtals 4,9 tonnum og Þorgrímur SK-27 samtals 4,3 tonnum í tveim löndunum. Þrír Siglufjarðarbátar, þeir Jonni SI-86, Mávur SI-96 og Oddur á Nesi SI-76 komu inn á fjörðinn til að veiða vegna brælu úti fyrir og lönduðu samtals 39 tonnum, hver bátur með tvær landanir. Þá er Bíldsey SH-65 komin aftur og landaði um 5 tonnum á þriðjudag, segir á hafnir.skagafjordur.is.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
