Mikill afli berst að landi í Skagafirði
Í Sauðárkrókshöfn er verið að landa um 140 tonnum af frystum sjávarafurðum úr frystitogaranum Örfirisey RE 4 og er uppistaða aflans ufsi. Klakkur landaði 115 tonnum s.l. mánudag.
Snurvoðabátar hafa verið iðnir við veiðar á Skagafirðinum í sumar og landað miklum afla á Sauðárkróki en flestir hafa þeir fært sig um set vegna minkandi afla undanfarið. Þó eru Hera og Eiður enn við veiðar á svæðinu. Hera kom með 5 tonn af blönduðum afla til Sauðárkróks í vikunni, en uppistaðan var ýsa ætluð til útflutnings.
Eiður landaði á Hofsósi 8.6 tonnum þar sem ýsan er einnig uppistaða aflans en hann er slægður á Hofsósi og fer í útflutning.
Línubáturinn Bíldsey gerir út frá Hofsósi og hefur fiskað vel og kom hann með 8.4 tonn að landi í vikunni og er aflinn einnig slægður þar áður en hann fer á fiskmarkað á Siglufirði.
Smábátar hafa einnig komið með fisk að landi en í vikunni kom Gammur með um 300 kg af kola að landi.
Eins og kom fram í gær landaði frystitogarinn Þerney RE-101 um 150 tonnum af frystum afurðum þar sem uppistaðan var ufsi.
Sjómenn hafa almennt verið ánægðir með aflabrögð í sumar og hafa skapað mikil verðmæti fyrir þjóðarbúið svo ekki sé minnst á tekjur til sveitarfélagsins. Þá hafa flutningafyrirtæki haft í nógu að snúast með flutning sjávarafurða milli landshluta.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.