Mótmæli Húnvetninga í Reykjavík
Ákveðið hefur verið að afhenda ráðherrum á fimmtudag undirskriftalista með mótmælum íbúa í Austur-Húnavatnssýslu gegn niðurskurði á heilbrigðisþjónustu á landsbyggðinni. Fara á frá Heilbrigðisstofnuninni á Blönduósi með rútu eða bílum. Hægt er að skrá sig í ferðina á netfangið kari@krokur.is.
Undirskriftum hefur verið safnað undir mótmælaskjal þar sem áformuðum niðurskurði er mótmælt og skorað á ríkisstjórn og Alþingi að tryggja að ekki verði lögð af þjónusta á Heilbrigðisstofnuninni á Blönduósi eins og boðað er í fjárlagafrumvarpi næsta árs.
Húnvetningar ætla að safnast saman við heilbrigðisstofnunina kl. 12:00 á fimmtudag og aka þaðan að Alþingishúsinu þar sem undirskriftirnar verða afhentar kl. 16:00. Húnvetningar og velgjörðarmenn stofnunarinnar eru hvattir til að koma og taka þátt í friðsamlegum mótmælum.
Stöndum nú öll saman Húnvetningar og mætum á Austurvöll.
Undirbúningshópurinn.
Fleiri fréttir
-
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira -
Dimitrios dæmdur í eins leiks bann
feykir.is Skagafjörður, Íþróttir, Lokað efni 12.05.2025 kl. 23.23Það voru sannarlega læti í öðrum leik Tindastóls og Stjörnunnar í úrslitaeinvíginu um Íslandsmeistaratitilinn sl. sunnudag. Tveimur leikmönnum Stólanna var vikið út úr húsi, Arnari Björnssyni og Dimitrios Agravanis. Í dag ákvað aganefnd KKÍ að Dimitrios skuli sæta eins leiks banni en Arnar fékk áminningu.Meira -
SSNV til liðs við verkefnið Öruggara Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 12.05.2025 kl. 23.21Þann 9. maí síðastliðinn var haldinn þriðji fundur Öruggara Norðurlands vestra í Ljósheimum í Skagafirði. Í frétt á vef SSNV segir að fundurinn hafi verið vel sóttur og áhersla lögð á farsæld barna og ungmenna þar sem meðal annars var rætt um sameiginlega forvarnaáætlun svæðisins, FORNOR.Meira -
Stólastúlkur hefndu ófaranna í gærkvöldi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.05.2025 kl. 20.44Það er skammt stórra högga á milli í Garðabænum þessa dagana. Nú voru það Stólastúlkur sem sóttu lið Stjörnunnar heim í 16 liða úrslitum Mjólkurbikarsins í knattspyrnu. Liðin mættust fyrir skömmu í Bestu deildinni á Króknum og þá rændu Garðbæingar stigunum en í dag máttu þær þola 1-3 tap í framlengdum leik gegn skynsömu og skipulögðu liði Tindastóls sem fékk nánast öll færin í leiknum. Það má því kannski segja að Skólastúlkur hafi hefnt fyrir ófarir körfuboltastrákanna okkar í Garðabænum í gærkvöldi.Meira -
„Verður engin þjóðaratkvæðagreiðsla“ | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.05.2025 kl. 11.30„Það verður alltaf einhver umræða en það verður engin þjóðaratkvæðagreiðsla að ég tel næstu fjögur árin. Ástæða þess er sú staðreynd að þetta er alltof langt ferli, við horfum upp á mjög mikla ókyrrð í kringum okkur og við þurfum að einbeita okkur að mikilvægustu verkefnunum,“ segir Erna Solberg, leiðtogi norska Hægriflokksins, í samtali við norska fréttavefinn E24 í dag og vísar þar til næsta kjörtímabils í Noregi en þingkosningar fara fram þar í landi næsta haust.Meira
