Munu verja lönd sín og hagsmuni komandi kynslóða
Um páskana var haldinn fjölmennur fundur um Blöndulínu 3 á Mælifellsá í Skagafirði þar sem landeigendur og aðrir hagsmunaaðilar hafna alfarið lagningu loftlínu frá Blöndustöð til Akureyrar en línan mun fyrst og fremst þjóna hagsmunum stóriðju að sögn fundarmanna.
Fram kom að fyrirhuguð 220 kV loftlína hefði í för með sér óásættanleg áhrif á ásýnd og ímynd landsins og skerði m.a. möguleika til landbúnaðar og ferðaþjónustu.
Fundurinn samþykkti eftirfarandi ályktun:
Fundur um Blöndulínu 3, haldinn á Mælifellsá í Skagafirði þann 6. apríl 2012, hafnar alfarið lagningu loftlínu frá Blöndustöð til Akureyrar með tilheyrandi háspennumöstrum.
Fyrirhuguð 220 kV loftlína hefur í för með sér óásættanleg áhrif á ásýnd og ímynd landsins og skerðir m.a. möguleika til landbúnaðar og ferðaþjónustu. Í stað 220 kV loftlínu, bendir fundurinn á lagningu 132 kV jarðstrengs, en flutningsgeta hans er rífleg til að sinna raforkuþörf almennings.
Fyrirhuguð Blöndulína 3 mun fyrst og fremst þjóna hagsmunum stóriðju. Sveitastjórnir Voga og Kjósarhrepps hafa þegar hafnað lagningu loftlína til stóriðju um land sveitarfélaganna. Sveitastjórnir sem bera ábyrgð á skipulagsmálum á leið Blöndulínu 3 eru hvattar til að taka hugrekki þeirra sér til fyrirmyndar og horfa til framtíðar hvað varðar metnaðarfullar lausnir við lagningu línunnar.
Landeigendur á Efribyggðarleið munu verja lönd sín og hagsmuni komandi kynslóða með öllum tiltækum ráðum.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
