Myndlistarsýning í Sauðárkrókskirkju – Síðustu verk Ninna málara
Næstkomandi sunnudag, 25. mars, opnar sýning í Sauðárkrókskirkju á verkum Jónasar Þórs Pálssona, Ninna málara, þar sem píslarsaga Jesú Krists er rakin. Um tíu myndir er að ræða, listilega vel gerðar og fallegar. Í síðasta Sjónhorni slæddist röng dagsetning með auglýsingu um sýninguna en þar stóð að hún hæfist 25. apríl, en hið rétta er 25. mars og hefst klukkan 13.
Það er Sigrún Fossberg Arnardóttir sem á heiðurinn af sýningunni í kirkjunni en hún segir sýninguna tilkomna eftir samtal sitt við Erlu Gígju Þorvaldsdóttur, ekkju Jónasar. „ Það var svolítið skemmtilegt hvernig sýningin kom til,“ segir Sigrún. „Ég hitti Erlu Gígju í búðinni sem segir mér frá því að hún sé með myndir heima, síðustu verkin sem Ninni málaði. Hún spyr hvort ég sé tilbúin að kíkja á þetta hjá henni. Ég hélt það nú og spurði hvort henni væri ekki sama hvort ég tæki forstöðumann Listasafns Skagfirðinga, Sólborgu Unu Pálsdóttur, með mér í kaffi. Þegar ég sá myndirnar varð ég alveg á báðum áttum hvort hefði verið skynsamlegra að taka Sólborgu með mér eða sóknarprestinn því þessar myndir fannst mér alveg eins eiga heima hérna í kirkjunni eins og hvar staðar annars staðar og kannski miklu frekar.“ Það varð úr að Erla Gígja ákvað að gefa Listasafninu verkin. Eftir að þær Sigrún og Sólborg höfðu skoðað myndirnar hjá Erlu tók Sigrún myndir af þeim á símann sinn sem kom sér vel þegar hún af tilviljun hitti sóknarprestinn, Hjálmar Jónsson, á förnum vegi.
„Ég segi honum frá þessu og sýndi honum myndir sem ég var með í símanum hjá mér og hann segir að við yrðum að sýna þetta í dymbilvikunni. Og loksins er þessi sýning komin upp,“ segir Sigrún. Myndirnar eru tíu talsins, sú fyrsta segir frá boðun Maríu og endar á upprisu Krists.
Eins og áður segir opnar sýningin sunnudaginn 25. mars klukkan 13 en Sigrún segir að það sé einnig tilvalið að nýta föstudaginn langa meðan á lestri Passíusálmanna stendur en þá getur fólk komið hvenær sem er yfir daginn og virt myndirnar fyrir sér.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.