Nagaði göt á öryggisnetið á trampólíninu
Það er fátt mýkra en kanínur og ef þær eru til í knús þá er yndislegt að kúra með þessi dýr. En þær geta verið misjafnar þessar elskur en kanínan sem Telma Ýr í Kvistahlíðinni á Króknum á er mikið fyrir að vera nálægt mannfólkinu sínu og láta brasa með sig. Telma Ýr er dóttir Hildar Haraldsdóttur og Skarphéðins Stefánssonar og á hún eina systur, Ardísi Hebu.
Kanínan hennar Telmu heitir því skemmtilega nafni Kakó sem á vel við því hún er fallega ljósbrún á litinn. Telma fékk hana á Víðimel í Varmahlíð og var Kakó fjögurra mánaða þegar hún kom til hennar. Það sem kemur flestum á óvart þegar þeir fá sér kanínu í fyrsta skipti er hversu frábærir persónuleikar þær eru og skemmtileg heimilisdýr. En það þarf að sjá um þessi grey eins og öll önnur gæludýr og það sem þarf að passa er að kanínuvæða heimilið/svæðið sem þær eru á. Þær eiga það nefnilega til að koma sér í vandræði ef þeim leiðist. Þær naga t.d. tölvuvíra, snúrur, húsgögn, teppi, mottur og margt fleira. Það er því góð hugmynd að vera með eitthvað af leikföngum fyrir þær til að naga eins og t.d. tómar rúllur undan salernispappír, gamlar símaskrár eða bæklinga.
Feyki langaði aðeins til að kynnast Kakó betur og sendi Telmu Ýr nokkrar spurningar.
Hvernig eignaðist þú Kakó? Ég bara tuðaði nógu mikið í mömmu minni þangað til að hún gafst upp. Við áttum einu sinni kanínu og ég saknaði þess að eiga kanínu, þær eru svo sætar. Við fengum Kakó í apríl og þá var hann frekar lítill.
Hvað er skemmtilegast og erfiðast við Kakó? Mér finnst skemmtilegast að fara út að labba með Kakó í beisli. Honum finnst líka gaman að
fara á trampólínið svo við erum stundum þar. Það er líka gaman að gefa honum gras og grænmeti og svo förum við Kakó stundum að kíkja á Sófí hjá Höllu Tomma nágranna okkar og þá verður Kakó mjög hissa, Sófí er nefnilega hundur.
Ertu með einhverja sniðuga eða merkilega sögu af Kakó? Þegar við vorum nýbúin að fá Kakó til okkar þá komst hann í netið á trampólíninu sem var
ekki búið að setja upp og hann nagaði nokkur göt á það. Hann elskar að naga og helst það sem ekki má naga. Kakó verður líka agalega spenntur þegar hann fær mat í skálina sína svo ég held stundum að hann sé hundur.
Fleiri fréttir
-
Fínasta veður í dag, 17. júní
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 07.32Á vedur.is segir að á Norðurlandi vestra verði hæg breytileg átt, þurrt og bjart veður og á hitinn að vera frá 10 til 16 stig á svæðinu. Það er því tilefni til að njóta dagsins utandyra í dag, 17. júní.Meira -
Í dag er 80 ára lýðveldisafmæli Íslands
feykir.is Skagafjörður, Austur-Húnavatnssýsla, Vestur-Húnavatnssýsla 17.06.2024 kl. 06.42Í dag, 17. júní, eru 80 ár liðin frá stofnun lýðveldisins og af því tilefni eru hátíðarhöld um allt land. Ekki láta íbúar á Norðurlandi vestra deigan síga í þeim efnum en vegleg dagskrá er á Sauðárkróki, Blönduósi og Hvammstanga í tilefni dagsins. Feykir óskar Íslendingum nær og fjær til hamingju með daginn.Meira -
Jafnt í fjörugum leik Tindastóls og Víkings
feykir.is Skagafjörður, Íþróttir 17.06.2024 kl. 00.58Eftir þrjá tapleiki í röð ætluðu Stólastúlkur að næla í þrjú stig þegar bikarmeistarar Víkings komu valhoppandi norður yfir heiðar. Loks var leikið á gervigrasinu á Króknum en þar höfðu Stólastúlkur ekki sparkað í keppnistuðru síðan leysingahelgina miklu í apríl. Leikurinn var ágæt skemmtun, hart var barist en eftir að gestirnir náðu forystunni snemma í síðari hálfleik sáu þær um að jafna leikinn þegar skammt var til leiksloka. Liðin fengu því sitt hvort stigið eftir 1-1 jafntefli.Meira -
Töluvert sanngjarn sigur Tindastólspilta
feykir.is Skagafjörður, Íþróttir 16.06.2024 kl. 12.56Tindastólspiltar spiluðu fyrsta heimaleik sumarsins í gær þegar Reykjanesúrvalið mætti á gervigrasið sígræna á Sauðárkróki. Leikurinn var spilaður við fínar aðstæður og var líflegur, þó sérstaklega í fyrri hálfleik en þá baðaði markvörður gestanna sig í sviðsljósinu og hélt markinu hreinu. Stólarnir gerðu það sem þurfti í síðari hálfleik og uppskáru 2-0 sigur.Meira -
Sterkt stig til Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla 16.06.2024 kl. 12.27Engin mörk voru skoruð í leik Kormáks Hvatar og Ægis í 2. deildinni sem fram fór í Þorlákshöfn sl. föstudasgkvöld. Fyrir leikinn var Ægir í 4. sæti með ellefu stig og Kormákur Hvöt í 9. sæti með sjö stig. Það má því sannarlega segja að þetta hafi verið sterkt og mikilvægt stig sem Húnvetningar kræktu í fyrir austan fjall.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.