Neyðarkallinum vel tekið á NLV
Neyðarkall björgunarsveita er fjáröflun björgunarsveita landsins. Felst hún í sölu á lyklakippu með áföstum björgunarsveitarmanni eða konu. Salan fer fram fram fyrstu helgina í nóvember ár hvert um land allt og hefur almenningur tekið sölufólki afskaplega vel.
Hagnaður af sölu Neyðarkallsins rennur til björgunarsveita, slysavarnadeilda og Slysavarnafélagsins Landsbjargar og er hann notaður til að efla og styrkja starfið. Í gegnum tíðina hefur almenningur haft mikinn skilning á störfum björgunarsveita enda veit fólk að þegar neyðarkall berst bregðast þær hratt við með allan sinn mannskap, búnað, tækni og þekkingu.
Feykir hafði samband við björgunarsveitirnar á svæðinu og spurðist fyrir um hvernig salan gekk í ár. Hjá björgunarsveitinni Húnum gekk salan vel og viðtökur voru mjög góðar. Þar hafa þegar selst fleiri Neyðarkallar en undanfarin ár og ennþá er hægt að kaupa þá með því að leggja inn á reikning 0159-26-1530 kt 700307-0930 kr 2.000 og er hann þá sendur í pósti til baka.
Hjá björgunarfélaginu Blöndu voru viðtökur einnig mjög góðar. Salan stóð frá fimmtudegi til sunnudags og var gegnið í hús á Blönduósi, ásamt því að selja í Samkaupum. Ennþá er til eitthvað af Neyðarköllum hjá sveitinni og er hægt að nálgast þá með því að senda tölvupóst á bfblanda@simnet.is eða hafa samband gegnum fésbókarsíðu.
Björgunarsveitin Grettir í Skagafirði seldi Neyðarkallinn í Fljótum, Hofsósi, Hjaltadal, Viðvíkursveit og austanverðu Hegranesi á fimmtudaginn og föstudaginn í síðustu viku. Salan gekk vel og segja þeir flesta taka vel í hana og vilja koma á framfæri þakklæti fyrir stuðninginn. Enn er hægt að kaupa Neyðarkalla með því að hafa samband við Ingvar í síma 8619803.
Flugbjörgunarsveitin í Varmahlíð seldi Neyðarkallinn í Varmahlíð og nágrenni á þriðjudagskvöld. Þeir sem misstu af björgunarsveitarmönnum þar geta nálgast hann hjá Þorsteini í síma 893 1981. „Gekk alveg glimrandi vel og seldum nánast það sem til var,“ sagði Þorsteinn í samtali við Feyki.
Sömu sögu er að segja hjá Skagfirðingasveit, sem gekk í hús á Sauðárkróki og seldi Neyðarkallinn í Skagfirðingabúð. Þar seldist allur lagerinn og segja meðlimir sveitarinnar að þeim sé alltaf vel tekið.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
