Njarðvíkingar lagðir í Síkinu
Tindastóll og Njarðvík mættust í ágætum körfuboltaleik síðastliðið föstudagskvöld en þetta var síðari leikur Tindastóls í riðlakeppni Lengjubikarsins. Leikurinn var lengstum jafn og spennandi þó svo að Stólarnir hafi ávallt verið skrefinu á undan gestunum. Lokatölur urðu 76-69.
Leikurinn fór ágætlega af stað. Njarðvíkingar komust yfir í eina skiptið í leiknum, 9-10, en Viðar Ágústsson og Darrel Lewis gerðu næstu körfur leiksins fyrir Stólana og staðan 20-17 að loknum fyrsta leikhluta. Í öðrum leikhluta náðu Stólarnir upp fínni vörn og þá var sóknarleikur gestanna í molum. Stólarnir voru skárri í sókninni en gestirnir gerðu aðeins eina körfu á fyrstu sjö mínútum leikhlutans. Í hálfleik var staðan 37-27.
Njarðvíkingar komu beittari til leiks eftir hlé en Stólarnir svöruðu að bragði og bættu í frekar en hitt. Darrel Lewis átti glimrandi leik og fann alltaf leið að körfu gestanna ef á þurfti að halda. Tindastóll komst í 51-35 um miðjan leikhlutann en þegar þriðja leikhluta lauk munaði enn 10 stigum, staðan 58-48. Fjórði leikhluti einkenndist af því að heimamenn reyndu að halda niðri hraðanum og koma í veg fyrir að Logi Gunnarsson finndi fjölina sína of rækilega. Munurinn hélst á bilinu sjö til tólf stig og á endanum landaði Lewis sigrinum fyrir Stólana, en hann gerði síðustu sex stig liðsins.
Að sjálfsögðu var haustbragur á leik liðanna. Myron Dempsey spilaði fyrsta leikinn með Tindastóli og átti ágætan leik, gerði 14 stig og tók 17 fráköst. Darrel Lewis var stigahæstur með 26 stig. Logi Gunnarsson var stigahæstur gestanna með 21 stig.
Styrkleiki Stólanna lá í fráköstunum í þessum leik en liðið tók 54 fráköst á meðan Njarðvíkingar tóku aðeins 30. Öll þessi fráköst skiluðu líka góðum körfum í teignum. Njarðvíkingar voru hins seigari utan 3ja stiga línunnar, voru skotglaðir og tóku 30 3ja stiga skot og settu 10 niður. Leikmenn Tindastóls áttu hinsvegar 17 tilraunir fyrir utan en hittu aðeins tvisvar.
Það er ljóst að Tindastólsmenn eru komnir í 8 liða úrslit í Lengjubikarnum en ekki er ljóst hver andstæðingurinn verður. Leikdagur er áætlaður 23. september. Og ef einhver er að velta fyrir sér hversu marga erlenda leikmenn Tindastólsmenn mega nota í vetur þá er svarið; einn. Bæði Flake og Lewis eru íslenskir ríkisborgarar og Dempsey því eini „kaninn“ í liðinu.
Stig Tindastóls: Lewis 26, Flake 16, Dempsey 14, Helgi Rafn 8, Pétur 7, Helgi Margeirs 3 og Viðar 2.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
