Norðlingabók, tveggja binda stórvirki Hannesar Péturssonar, komin út
Bjartur hefur, í samvinnu við Opnu, gefið út Norðlingabók eftir skagfirska stórskáldið Hannes Pétursson en þar er að finna alla sagnaþætti skáldsins í tveimur bindum. Hannes er löngu landskunnur sem eitt helsta ljóðskáld þjóðarinnar og hefur stundum verið kallaður síðasta þjóðskáldið.
Á vef Bjarts segir: „Jafnhliða ljóðlistinni hefur Hannes samið fræðirit og greinar, ferðasögur og fengist við þýðingar. Ekki síst hefur Hannes lyft hinum þjóðlegu sagnaþáttum upp á nýtt listrænt stig. Úr heimildum og sögnum hefur hann glætt minnisverðar frásagnir nýju lífi með orðsnilld sinni og stílfimi.
Hannes hefur síðustu misserin endurskoðað alla sagnaþætti sína, yfirfarið þá og leiðrétt og fært ,,textann nær þeim stílsmekk, eða sérvizku, sem ég bý við núna þegar ég kveð til fulls þessi fræði“, eins og skáldið skrifar sjálft að bókarlokum.
Í Norðlingabók birtast þættir í endanlegri mynd skáldsins. Fyrra bindið geymir frásagnir sem áður birtust í þriggja binda safninu Misskipt er manna láni og í síðara bindinu má finna hið magnaða Rauðamyrkur og heimildaþætti og fróðleiksgreinar úr bókinni Frá Ketubjörgum til Klaustra og þar hefur Hannes bætt talsverðu við, sem ekki hefur áður birst á einum stað.
Arndís Lilja Guðmundsdóttir hannaði útlit bókarinnar en Eyjólfur Jónsson braut hana um.“
Þess má geta að í kjölfar setningarhátíðar Sæluviku Skagfirðinga í fyrra var haldin formleg vígsluathöfn Hannesarskjóls á Nöfunum ofan Sauðárkróks en skjólið var hlaðið til heiðurs Hannesi og er þar vísað til bókar hans, Jarðlag í tímanum, sem fjallar um uppvaxtarár Hannesar á Sauðárkróki og Skagafirði, en bókin hefst uppi á Nöfum og endar þar líka.
Fleiri fréttir
-
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira -
Konan fagnar líka þessum tímamótum í lífi okkar
feykir.is Skagafjörður, Mannlíf, Lokað efni 30.04.2025 kl. 14.53Eftir aldafjórðung á sjó og ríflega annað eins tímabil í sölu- og markaðsmálum og útgerðarstjórn lætur Gylfi Guðjónsson, útgerðarstjóri hjá FISK Seafood, af störfum um mánaðarmótin. Gylfi segir að honum líði vel með þessa ákvörðun og að þetta sé komið gott. „Það er orðið tímabært að rýma til fyrir yngra fólki með nýja þekkingu og hugmyndir. Ég stíg bæði sáttur og saddur frá þessu borði og veit að konan mín fagnar líka þessum tímamótum í lífi okkar. Það er auðvitað í leiðinni margs að sakna og þar hef ég ekki síst í huga það frábæra fólk sem ég hef fengið að vinna með í gegnum þennan langa feril.“Meira -
Óskað er eftir tilnefningum til Nýsköpunarverðlauna 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.04.2025 kl. 14.02Á vef SSNV kemur fram að Sambandið hefur opnað fyrir tilnefningar til Nýsköpunarverðlauna hins opinbera 2025. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði, s.s. umbótastarf, innleiðing nýjunga eða breyttar aðferðir í opinberum rekstri sem skapar eða eykur virði í starfsemi hins opinbera.Meira -
Slökkviliðsstjórar landsins sameinuðust á Akureyri
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.04.2025 kl. 12.30Aðalfundur Félags slökkviliðsstjóra á Íslandi (FSÍ) var haldinn á Akureyri helgina 11. – 12. apríl síðastliðinn. Félagið vinnur að sameiginlegum hagsmunamálum slökkviliða um land allt og er fundurinn mikilvægur vettvangur þar sem slökkviliðsstjórar landsins koma saman til að ræða málefni brunavarna, áskoranir í starfi slökkviliða og miðla reynslu sinni á því sviði. Undirritaður var samstarfssamningur um áframhaldandi þróun og rekstur Brunavarðar. Nýr samstarfshópur stofnaður um uppbyggingu æfingasvæða fyrir slökkvilið landsins og HMS kynnti tvær nýjar leiðbeiningar um heimildir slökkviliða til eftirlits og aðgangs að húsnæði og hins vegar beitingu stjórnvaldssektaMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.