Nýr getraunaleikur Hvatar hefst á laugardaginn kemur
Nýr getraunaleikur hefst laugardaginn 23. október á skrifstofu Hvatar (fyrir ofan Samkaup). Opið verður á skrifstofunni á laugardaginn frá kl. 11:00 – 13:00 og að sjálfsögðu verður heitt á könnunni.
Fyrir þá sem ekki vita þá er þetta léttur og skemmtilegur leikur sem allir geta tekið þátt í, einnig er þetta kjörið tækifæri til að hittast og spjalla um daginn og veginn á laugardögum áður en maður skellir sér í steikina eða nýju sundlaugina.
Á Hvatarskrifstofunni verður hægt að fá upplýsingar um getraunaleikinn, skrá sig til leiks og tippa á 13 rétta. Leikurinn stendur yfir í 14 vikur (næstu 14 laugardaga) og er tippað á enska seðilinn. Hver hópur sendir inn tvær raðir á þar til gerða getraunaseðla sem Hvöt úthlutar, en hver röð er með 7 leikjum sem eru með einu merki og 6 leikjum með tveimur merkjum.
Hægt er að nálgast þessa seðla á www.hvotfc.is undir leikvikur, eða á skrifstofu félagsins. Einnig er einfalt að taka þátt í leiknum í gegnum netið fyrir þá sem ekki komast á laugardögum. Hægt er að senda inn raðirnar á 1x2hvot@gmail.com fyrir lokun á laugardögum.
Þátttökugjald er 5000 kr eða 2500 kr á mann og er allur peningurinn sem kemur inn af þátttökugjaldinu notaður í sjálfan leikinn þ.e.a.s. kaffi og meðlæti á laugardögum, uppskeruhátíð og verðlaun.
Í undanförnum getraunaleikjum hafa verið þátttakendur víðsvegar af landinu. Rétt er að taka fram að mjög einfalt er að taka þátt í leiknum og hefur reynslan sýnt það að þátttakendur þurfa ekki að vera neinir spekingar í getraunum eða miklir áhugamenn um knattspyrnu til að ná góðum árangri. Síðast tóku um 50 tipparar þátt í leiknum og voru þátttakendur á öllum aldri og af báðum kynjum. Nánari upplýsingar er að finna á www.hvotfc.is, í síma 899-5676 (Óli Ben), 848-0037 (Auðunn) eða senda inn fyrirspurnir á netfangið okkar 1x2hvot@gmail.com.
/hvotfc.is
Fleiri fréttir
-
Rocky Horror í Hofi um helgina
feykir.is Skagafjörður, Austur-Húnavatnssýsla, Vestur-Húnavatnssýsla 07.05.2025 kl. 14.56Nemendafélag Fjölbrautaskóla Norðurlands vestra hefur undanfarin ár sett upp metnaðarfullar leiksýningar og fara nú í Hof á Akureyri með Rocky Horror.Meira -
„Ég hef trú á getu okkar til að ná árangri“
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 07.05.2025 kl. 14.54„Ég er mjög bjartsýnn á þennan hóp stráka. Við erum að koma seint saman en á þeim stutta tíma sem við höfum verið saman höfum við stigið stór skref í rétta átt,“ segir Dominic Furness, þjálfari Kormáks Hvatar þegar Feykir spurði hann hvort hann teldi að hópurinn hans væri að smella saman fyrir sumarið.Meira -
Dýrbítur í Austurdal
feykir.is Skagafjörður, Lokað efni 07.05.2025 kl. 12.55Refur lagðist á lömb á Stekkjarflötum í Austurdal, (Austurdalur er talinn byrja við Grjótá, svo bærinn telst ekki til Kjálka) í vikunni og urðu bændur þess varir aðfaranótt þriðjudags að lömb væru farin að hverfa af túninu og ummerki um aðfarir rebba sáust.Meira -
Gjaldfrjáls garðlönd Skagafjarðar
feykir.is Skagafjörður 07.05.2025 kl. 11.30Garðlönd sveitarfélagsins á Sauðárkróki, Varmahlíð (upp við Reykjarhólsskóg) og Hofsósi (Grafargerði) verða til reiðu á næstu dögum og gaman að segja frá því að þetta er á sömu staðsetningum og síðast.Meira -
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.