Nýsköpunarkeppni grunnskólanemenda ( NKG )
Vinnusmiðja NKG2010 verður haldin fimmtudaginn 16. sept. og föstudaginn 17. sept. frá kl. 09.00-16.00. Afrakstur vinnusmiðjunnar mun verða uppi á verðlaunahátíð NKG.
Sunnudaginn 19. september verður verðlaunahátíð NKG í húsakynnum Marel í Garðabæ. Dagskrá hefst stundvíslega kl. 15.00 þar sem Forseti Íslands hr. Ólafur Ragnar Grímsson verndari keppninnar afhendir verðlaun. Þátttakendur munu sjálfir kynna hugmyndir sínar fyrir gestum.
Mennta- og menningarmálaráðherra flytur hátíðarræðu, afhendir viðurkenningar og afkastamesti grunnskólinn hlýtur farandbikar.
Keppnin í ár
NKG er verkefni sem hvetur til nýsköpunarkennslu í grunnskólum. NKG er keppni sem fram allan ársins hring með uppskeru á haustin. Eftir strangt matsferli komust 46 hugmyndasmiðir áfram í úrslit. Í ár eru innsendar hugmyndir rúmlega 1600 talsins frá 45 grunnskólum. Í vinnusmiðjuna mæta 46 hugmyndasmiðir á aldrinum 8-15 ára. Hugmyndir þeirra voru metnar með tilliti til raunsæi, hagnýti og nýnæmi. Það telst mikill heiður að komast í vinnusmiðjuna.
Hugmyndasmiðir útfæra hugmynd sína nánar undir leiðsögn leiðbeinenda í vinnusmiðju NGK. Í ár verður í fyrsta skipti boðið uppá að vinna frumgerðir í gegnum tölvufræsara.
Skemmtigarðurinn Grafarvogi hefur undanfarin ár boðið öllum þátttakendum vinnusmiðju frítt í garðinn, í ár skellir hópurinn sér að loknum vinnudegi í ævintýra minigólf.
Vinsamlegast hafið samband við Önnu Þóru í síma 6150574 ef áhugi er fyrir viðtölum við þátttakendur í keppninni eða annarri frásögn.
NÁNAR UM NKG
Markmið NKG er að gera einstaklingnum grein fyrir sköpunargáfu sinni og þroska hana í gegnum vinnu með eigin hugmyndir. NKG er mikilvæg hvatning til nemenda og kennara í starfi sínu í þeirri nýsköpunarmennt sem fer fram innan grunnskóla landsins.
Keppnin var haldin í fyrsta skipti árið 1991. Starfið fer fram allt árið um kring. Á haustin hefst nýtt keppnistímabil, sem lýkur á vorin þegar matsferli fer fram.
Ekki er ætlast til þess að þátttakendur hafi tæknilega kunnáttu til þess að fullkomna hugmyndir sínar. Lögð er áhersla á að þjálfa þátttakendur í ferlinu að fá hugmynd, að hanna og framkvæma. Þannig að seinna í lífinu þegar tæknileg kunnátta er til staðar, og lausnarmiðaðar hugmyndir kvikna, þá munu þessir nemendur búa að góðum grunni til framkvæmda.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.