Nýtt gistiheimili tekur til starfa á Skagaströnd
Nýtt gistiheimili, Salthús, verður formlega opnað á Skagaströnd á föstudaginn kemur. Er það staðsett nyrst í bænum, á Einbúastíg 3, með útsýni yfir Húnaflóann til suðurs og norðurs en í austri er fjallasýn þar sem Spákonukonufellið ber hæst. Hrafnanes ehf. er eigandi hússins en Salthús gistiheimili ehf. mun sjá um rekstur gistiheimilisins. Framkvæmdastjóri þess er Hrafnhildur Sigurðardóttir.
Húsnæði Salthúss var byggt árið 1950 af Skagstrendingi hf.í þeim tilgangi að hýsa ýmsa starfsemi fyrirtækisins. Á heimasíðu gistihússins segir: „Efri hæðin var notuð fyrir beitingamenn, og sem geymsla fyrir ýmsan veiðibúnað. Síðar var litlum frystiklefa bætt við, til að frysta beitu. Á jarðhæð var upphaflega saltfiskverkun, og skreið pakkað fyrir útflutning. Á síðari árum var starfrækt vélaverkstæði frystihússins á Skagaströnd á jarðhæðinni. Vélsmiðurinn Pétur Eggertsson fór fyrir fjórum vélvirkjum og viðgerðarmönnum, sem höfðu viðurnefnið „Pétur og úlfarnir“ meðal heimamanna."
Það var svo árið 2016 sem Hrafnanes ehf. keypti húsið og í framhaldi af því var hafist handa við að teikna breytingar á húsinu. Það annaðist Þorgils Magnússon, byggingartæknifræðingur á Blönduósi, og í ársbyrjun 2017 voru byggingarstjóri og trésmíðameistari frá Tveimur smiðum á Hvammstanga ráðnir til starfa ásamt iðnaðarmönnum frá Skagaströnd og Blönduósi. Í mars 2017 keypti Hólanes ehf., fyrirtæki Skagstrendinga sem stofnað var um byggingu hótels á Skagaströnd, hlutabréf í Hrafnanesi. Framkvæmdir við húsið hófust í febrúar á síðasta ári og má sjá fjölda mynda frá uppbyggingunni á Facebooksíðunni Salthús Guesthouse Skagaströnd.
Salthús gistiheimili er á tveimur hæðum og býður upp á fjórtán vel útbúin herbergi með sturtu, salerni og vaski. Þar er einnig sameiginleg eldhúsaðstaða á hvorri hæð. Nú þegar hafa fyrstu gestirnir dvalið í húsinu, bæði íslenskir og erlendir, en formleg opnun verður föstudaginn 26. janúar klukkan 17-19 þegar eigandi hússins, Hrafnanes ehf., mun afhenda Salthúsi gistiheimili húsið formlega til rekstrar.
Allir eru velkomnir á opnunina á föstudaginn.
Heimasíða gistiheimilisins er www.salthus.is og Facebooksíðan er Salthús Guesthouse Skagaströnd.
Fleiri fréttir
-
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira -
Konan fagnar líka þessum tímamótum í lífi okkar
feykir.is Skagafjörður, Mannlíf, Lokað efni 30.04.2025 kl. 14.53Eftir aldafjórðung á sjó og ríflega annað eins tímabil í sölu- og markaðsmálum og útgerðarstjórn lætur Gylfi Guðjónsson, útgerðarstjóri hjá FISK Seafood, af störfum um mánaðarmótin. Gylfi segir að honum líði vel með þessa ákvörðun og að þetta sé komið gott. „Það er orðið tímabært að rýma til fyrir yngra fólki með nýja þekkingu og hugmyndir. Ég stíg bæði sáttur og saddur frá þessu borði og veit að konan mín fagnar líka þessum tímamótum í lífi okkar. Það er auðvitað í leiðinni margs að sakna og þar hef ég ekki síst í huga það frábæra fólk sem ég hef fengið að vinna með í gegnum þennan langa feril.“Meira -
Óskað er eftir tilnefningum til Nýsköpunarverðlauna 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.04.2025 kl. 14.02Á vef SSNV kemur fram að Sambandið hefur opnað fyrir tilnefningar til Nýsköpunarverðlauna hins opinbera 2025. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði, s.s. umbótastarf, innleiðing nýjunga eða breyttar aðferðir í opinberum rekstri sem skapar eða eykur virði í starfsemi hins opinbera.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.