Ókeypis í Króksbíó á sunnudaginn
Íslensk kvikmyndahelgi verður haldin um helgina og af því tilefni mun Króksbíó sýna þrjár kvikmyndir eftir Friðrik Þór Friðriksson sunnudaginn 24. mars. Klukkan 15:00 verða Bíódagar sýndir, Englar alheimsins verða á tjaldinu kl. 17:00 og pönkbylgjunni verða gerð skil í Rokk í Reykjavík kl. 20:00. Aðgangur er ókeypis og nú er bara að demba sér í bíó.
Á bak við framtakið standa íslenskir kvikmyndagerðarmenn, í samstarfi við 18 sýningarstaði og Kvikmyndamiðstöð Íslands. Alls verða sýndar 34 myndir á 18 sýningarstöðum og ókeypis verður inn á allar sýningar.
Leikstjórar eða aðrir aðstandendur verða viðstaddir fjölda sýninga, t.a.m. verður Ragnar Bragason á Akranesi, Gunnar B. Guðmundsson (Gauragangur) á Ólafsvík, Gunnar Karlsson (Hetjur Valhallar - Þór) á Hvammstanga, Ari Kristinsson (Duggholufólkið) á Blönduósi, Kristín Andrea Þórðardóttir (Borgríki, framleiðandi) á Patreksfirði, Ásdís Thoroddsen (Ingaló) á Ísafirði, Óskar Jónasson (Hetjur Valhallar – Þór) á Ólafsfirði, Rúnar Rúnarsson (Eldfjall) á Raufarhöfn, Bragi Þór Hinriksson/Sverrir Þór Sverrisson „Sveppi“ á Seyðisfirði og Egilsstöðum, Marteinn Þórsson (Rokland) á Kirkjubæjarklaustri.
Á kvikmyndasýningum í Reykjavík verða leikstjórar/aðstandendur ákveðinna kvikmynda viðstaddir sýninga. Sýningarstaðir voru valdir í samráði við menningarfulltrúa hvers landshluta og eftir aðstöðu til sýninga.
Upplýsingar um allar myndirnar má nálgast á www.kvikmyndavefurinn.is
Fleiri fréttir
-
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira -
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira
