Ólöglegar veiða í Norðurá í Skagafirði
Svo virðist sem veiðiþjófar hafi óvart komið upp um sig þegar birt var frétt af mikilli veiði í Norðurá í Skagafirði á vefnum Vötn og veiði fyrir skömmu. Veiddu á verndarsvæði.
Í fréttinni segir frá því að veiðisölumaður hafi farið í Norðurá í Skagafirði með erlendann veiðimann en sá hafði aldrei veitt bleikju áður og veiddu þeir það vel að þeir tilkynntu um að Norðuráin væri gjörsamlega pökkuð af bleikju. Voru teknar myndir til að fanga augnablikið og fylgdu þær fréttinni.
Kári Gunnarsson kenndur við Flatartungu áttaði sig á því þegar hann sá umrædda frétt að þeir væru staddir á svæði sem hefur verið friðað fyrir veiði í sumar og lét þá á Vötn og veiði vita. Kári sagði að haft hafi verið samband við viðkomandi veiðimann og viðurkenndi hann að hafa keyrt fram hjá skilti sem bendir mönnum á að þeir séu á fiskverndarsvæði. Veiðiþjófnaður hefur verið mikið vandamál þarna í sumar, segir Kári og eftir umrædda frétt hafi veiðiþjófar verið á þessu svæði flesta daga og koma óorði á þann mikla meirihluta veiðimanna sem eru til fyrirmyndar.
Smári Haraldsson veiðieftirlitsmaður í Skagafirði staðfesti að mikið væri um veiðiþjófnað á þessu svæði og hafi hann þurft að hafa afskipti af veiðimönnum í ólöglegri veiði. Smári segir að veiðiþjófnaður almennt í Skagafirði sé mikið vandamál og virðist sem hugarfarið gagnvart þjófnaðinum sé þannig að mönnum finnist þetta í lagi. -Til þess að hægt sé að sporna við þessum veiðiþjófnaði þarf samstillt átak lögreglu og hagsmunaaðila og reyna að uppræta þetta ranga hugarfar, segir Smári.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.