Öruggur sigur KR í Vesturbænum
Tindastólsmenn voru ekki í neinu sérstöku stuði þegar þeir mættu KR-ingum í Vesturbænum í gærkvöldi. Heimamenn náðu fljótlega forskoti en það var þó ekki fyrr en í þriðja leikhluta sem leiðir skildu og þegar upp var staðið höfðu KR-ingar sigrað 84-66. Akkilesarhæll Tindastólsmanna var ansi slök skotnýting, 29% og þá hirtu KR-ingar miklu fleiri fráköst.
Friðrik Hreinsson gerði fyrstu körfu leiksins og Curtis Allen bætti einni við áður en KR komst á blað. Síðan settust KR-ingar í bílstjórasætið, komust í 16-11 og leiddu síðan eftir fyrsta leikhluta, 19-15. Tindastólsmenn héldu í horfinu í öðrum leikhluta, munurinn yfirleitt þetta 2 til 6 stig. Dejan Sencanski kom KR í 35-26 þegar tæpar 3 mínútur voru til hálfleiks en Helgi Margeirs svaraði með 3ja stiga körfu og Igor Tratnik lagaði stöðuna enn frekar skömmu síðar og munurinn fjögur stig, 35-31. KR gerði síðustu 4 stig fyrri hálfleiks og staðan í leikhléi 39-31.
Hittni Tindastólsmanna hafði verið slök í fyrri hálfleik en ekki lagaðist hún í upphafi þriðja leikhluta og fyrri fimm mínútur þriðja leikhluta gerðu KR-ingar 13 stig gegn 4 stigum Stólanna og munurinn orðinn 17 stig. Mestur varð munurinn 21 stig skömmu fyrir lok leikhlutans en Stólarnir náðu aðeins að laga stöðuna, Miller setti niður tvö 3ja stiga skot og staðan 69-53. Fjórði leikhluti hefur oft verið sterkastur hjá Stólunum en það var engin leið til baka í gærkvöldi. Rikki náði að minnka muninn í 15 stig, 77-62, þegar um 5 mínútur voru eftir en nær komust Stólarnir ekki og sigur KR öruggur, 84-66.
Tindastólsmenn höfðu unnið KR tvisvar í vetur en liðið var langt frá sínu besta í gærkvöldi - þó er vanmat ólíklegt. Hittnin innan 3ja stiga línunnar og utan hennar var 29%, sem er reyndar ágætt fyrir utan en dapurt fyrir innan. Hittni KR var 48% og þá tóku KR-ingar 46 fráköst en Stólarnir 28. Þess má þó geta að Stólarnir léku án Svabba.
Snæfell, Tindastóll og Njarðvík eru nú öll með 18 stig í 6.-8. sæti og sem stendur inni í úrslitakeppninni en ÍR og Fjölnir munu örugglega reyna að sækja að þeim í síðustu umferðunum. Næsti leikur Tindastóls er gegn Njarðvík hér heima 22. mars.
Stig Tindastóls: Miller 23, Allen 14, Rikki 8, Þröstur Leó 6, Helgi Rafn 5, Hreinsi 5, Friðrik Þór 3 og Igor Tratnik 2.
Fleiri fréttir
-
Loftur frá Kálfsstöðum ein af stjörnum Íslandsmóts
feykir.is Skagafjörður, Íþróttir, Hestar, Vestur-Húnavatnssýsla, Lokað efni 30.06.2025 kl. 11.35Glæsilegu Íslandsmóti í hestaíþróttum lauk í gær með úrslitum í öllum hringvallagreinum. Á vef Landssamband hestamannafélaga, lh.is, segir: „ Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.”Meira -
Verið velkomin á Sturluhátíð 12. júlí í Tjarnarlundi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.23Hin árlega Sturluhátíð, kennd við sagnaritarann mikla, Sturlu Þórðarson, verður haldin annars vegar á Staðarhóli og hins vegar í félagsheimilinu Tjarnarlundi, Saurbæ í Dölum, laugardaginn 12. júlí nk. Hátíðin hefst kl 14 á Staðarhóli, þar sem stóð bær Sturlu Þórðarsonar. Sturlunefndin hefur haft forgöngu um að setja þar upp söguskilti og hafa þau að geyma margvíslegan fróðleik sem í senn tengist sögu staðarins en umfram allt auðvitað Sturlungu.Meira -
Fiskeldi og samfélagsábyrgð | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.06.2025 kl. 11.16Fiskeldi hefur átt mikinn þátt í þeirri endurreisn sem íbúar Vestfjarða eru að upplifa. Fiskveiðar hafa verið helsta atvinnugrein á svæðinu en þegar aflaheimildir fluttust í stórum stíl til annarra landshluta fækkaði störfum með tilheyrandi áhrifum á byggðaþróun. Frá upphafi 9. áratugarins fækkaði íbúum Vestfjarða mikið eða þangað til að viðsnúningur varð árið 2017. Óumdeilt er að fiskeldið spilar hér lykilhlutverk. Fiskeldi hefur verið mikilvægt fyrir atvinnuuppbyggingu á landsbyggðinni og er líklega ein mikilvægasta byggðaaðgerð síðustu ára.Meira -
Þemasýning um Þórdísi spákonu í Listakoti Dóru
feykir.is Austur-Húnavatnssýsla, Listir og menning, Lokað efni 30.06.2025 kl. 09.38Laugardaginn 5. júlí næstkomandi kl. 13.00 opnar Dóra Sigurðardóttir listakona áhugaverða sýningu í galleríinu sínu Listakoti Dóru á jörð sinni, Vatnsdalshólum í Húnabyggð, aðeins 2 km suður af Hringveginum. Sýningin er opin á opnunartíma Listakots Dóru, frá kl. 13–18 alla daga nema mánudaga en sýningin sjálf stendur til 20. september.Meira -
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira
