Flugvél hjá Air Atlanta Icelandic þurfti að snúa við vegna óvenjulegs atviks
Þann 9. nóvember átti sér stað óvenjulegt atvik í háloftunum þegar íslensk fraktflugvél frá Air Atlanta, TF-AMM Boeing 747-400, var að fljúga frá John F. Kennedy flugvellinum í New York til Liege í Belgíu þegar hestur slapp úr stíu.
Um borð í vélinni voru tólf hestar og hver og einn hestur í sérstíu. Mikil ókyrrð var þegar vélin var í klifri eftir flugtakið og var hún einungis búin að ná 31.000 feta hæð þegar atvikið átti sér stað en þá hafði einn hesturinn orðið það taugatrekktur að hann stökk úr sinni stíu yfir í aðra þar sem annar hestur var. Við þetta slasaðist hesturinn talsvert mikið og þurfti að sprauta hann niður með deyfilyfjum til að róa niður og til að ná hinum hestinum út úr sinni stíu. Þegar flutningur er á dýrum hjá Air Atlanta eru alltaf fjórir sérþjálfaðir einstaklingar um borð til að sjá um hestana og velferð þeirra. Áhöfnin hafði strax samband við Kennedy flugvöll og óskað var eftir því að fá að snúa vélinni við og lenda aftur á Kennedy vellinum. Til að það væri gerlegt þurfti að losa um 30 tonn af eldsneyti því í svona fraktflugi er flugtaksþyngd vélarinnar talsvert hærri en lendingarþyngd og var því ekkert annað í stöðunni til að ná hámarks-lendingarþyngd til að geta lent vélinni. Leyfi fékkst til að losa eldsneytið sem tók um 20 mín. og er pumpað upp úr tönkunum á þessum vélum sem er gert yfir hafinu. Vélinni var svo lent með slasaða hestinn en því miður lést hann stuttu eftir það.
Einn af flugmönnunum í þessu flugi var Skagfirðingurinn frá Stóragerði og flugstjórinn Jónas Kr. Gunnarsson, sonur Sólveigar Jónasdóttur og Gunnars Kr. Þórðarsonar heitins. Jónas hefur starfað fyrir Air Atlanta í 19 ár og aðspurður hvort hann hafi lent áður í svona óvenjulegu atviki segist hann aldrei hafa lent í svona áður en að sjálfsögðu hafi hann þurft að hverfa frá lendingu á áfangastað vegna veðurs.
Youtube kennslumyndband var gert af fluginu og samskiptunum sem fóru á milli starfsmanna flugvélarinnar og Kennedy flugvallar sem hægt er að horfa á hér.
Fleiri fréttir
-
Aldrei fleiri Tindastólskrakkar skráðir til leiks
feykir.is Skagafjörður, Íþróttir 17.05.2024 kl. 10.04Dagana 10.-11. maí fóru Snillingamót og Bikarmót Badmintonfélags Hafnarfjarðar fram í íþróttahúsinu við Strandgötu í Hafnarfirði. Tindastóll sendi að þessu sinni níu þátttakendur til leiks og er það metþátttaka – aldrei hafa fleiri Tindastólskrakkar tekið þátt í einu móti.Meira -
Baldur Hrafn ráðinn í stöðu sviðsstjóra stjórnsýslu- og fjármálasviðs Skagafjarðar
feykir.is Skagafjörður 17.05.2024 kl. 08.02Sagt er frá því á vef Skagafjarðar að sveitarfélagið hefur ákveðið að ráða Baldur Hrafn Björnsson í starf sviðsstjóra stjórnsýslu- og fjármálasviðs en staðan var auglýst öðru sinni í apríl sl. Alls bárust fjórar umsóknir um stöðuna en tveir umsækjendur drógu umsókn sína til baka.Meira -
Knattspyrnuvallahallæri á Norðurlandi vestra og víðar
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 19.16Þrjú meistaraflokkslið í knattspyrnu þreyja þorrann á Norðurlandi vestra þessa sumarbyrjunina; kvennalið Tindastóls sem spilar í Bestu deild kvenna, Kormákur/Hvöt í 2. deild karla og karlalið Tindastóls í 4. deildinni. Öll þurfa liðin leikhæfa leikvelli til að spila á en þeim er því miður ekki til að dreifa þessa dagana á svæðinu og hafa liðin því þurft að ýmist færa leiki lengra inn í sumarið, spila heimaleiki sína í Eyjafirði eða skipta á heimaleikjum við andstæðinga hverju sinni.Meira -
Þörfin fyrir heimilislækna | Bjarni Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.05.2024 kl. 16.16Að geta notið þjónustu heimilislæknis er ein af grunnþörfum okkar allra hvar sem við búum á landinu. Það er ekki síður mikilvægt að fólk hafi aðgang að föstum heimilislækni til að tryggja samfellu í þjónustunni. Þurfa ekki sífellt að bera sig upp við nýja lækna með mein sín, áhyggjur eða við heilsufarseftirlit. Aðgengi að góðri heilbrigðisþjónustu í heimabyggð eru grundvallarmannréttindi. Hér á landi höfum við búið við traust opinbert heilbrigðiskerfi þar sem öll eiga sama rétt til þjónustu óháð efnahag og stöðu. Um það er þjóðarsátt.Meira -
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.