Pælingin - Áskorendapenninn Magnús Magnússon Húnaþingi vestra
Birta: Afi! Ég var pæla – er í lagi að pæla?
Afi: Pæling er aldrei einskisnýt! Pæling heldur heilanum virkilega í gangi. Það hollt og gott að pæla um hið jarðbundna og vanafasta. En það er líka gott hugsa út fyrir það. Hugsa um endanleikann og óendanleikann. Ekki hugsa aðeins um vanaganginn. Hugsun og heili í vanagangi gengur aðeins í hægagangi.
Birta: Ég var að pæla hvort ég má pæla upphátt og hugsa upphátt?
Afi: Hugsaðu allt sem þú segir en ekki segja allt sem þú hugsar. Það er alltaf einhver sem hlustar og les.
Birta: Þarf ég að hugsa um þann sem hlustar og les.
Afi: Gættu tungu þinnar og hugsaðu um þann sem hlustar og les.
Birta: En þeir eru svo margir. Þarf ég að hugsa um þá alla?
Afi: Þú ert ein af þeim. Stundum ert það þú sem hlustar og lest. Stundum er talað til þín. Hvernig viltu að talað sé til þín? Talaðu við aðra eins þú vilt að aðrir tali til þín!
Birta: Þá er eins og orðin séu orðin vandamál!
Afi: Vandaðu málið svo orðin verði ekki að vandamáli! Skrifuð og töluð orð eru hættulegasta sprengiefnið í heiminum.
Birta: Stundum er ég pirruð út í pabba og mömmu og þá verður sprengja!
Afi: Sérhver kynslóð er í uppreisn gegn foreldrum sínum en vinur afa og ömmu.
Birta: En ég elska þau samt
Afi: Að elska er að lifa – að lifa er að elska í gegnum súrt og sætt.
Birta: En samt ekki eins og ég myndi elska kærastann
Afi: Nei, það er ást!
Birta: Hvað er ást?
Afi: Viltu stutta eða langa útgáfu af svari?
Birta: Stutta, takk – ég er að verða of sein inn á ,,snappið“
Afi: Ást = Tveir deilt með engu
Birta: Ég ætla að deila þessu ...
Ég skora Halldór Ólafsson á Skagaströnd að taka við áskorendapennanum.
Kær kveðja
Magnús Magnússon
Áður birst í 23. tbl. Feykis 2918
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.